АПУ компани 2023 оны есдүгээр сард Сэлэнгийн Зүүнхараа дахь үйлдвэртээ Унгарын орчин үеийн тоног төхөөрөмж суурилуулж “Хонин нуга” монгол бяслаг “Шигүдэри” урлах үйлдвэрээ нээжээ. Шинэ үйлдвэрийн бүтээгдэхүүн Монголын хамгийн анхны №1 шимийн архи болох шинэчлэгдсэн "Шигүдэри" брэндийг цагаан сарын баярын өмнө хэрэглэгчдэдээ танилцуулж  байна. 

“Шигүдэри” брэндийн шимийн архийг өмнө нь гар аргаар үйлдвэрлэж байсан тул цөөн тоогоор зах зээлд нийлүүлэгдэж байв. Харин энэ жилээс эхлэн шимийн архи гарган авах уламжлалт арга технологийг орчин үеийн дэвшилтэт технологитой хослуулан үйлдвэрлэж хэрэглэгч та бүхний гарт хүргэж байна. Үйлдвэрлэлийн нарийн шүүлтүүрээр бүтээгдэхүүнээ гаргаж буй тул цагаа амтагдаж, хэрэглэгчдийн таашаалд нийцсэн бүтээгдэхүүн болж чадсан. Энэ бол бэлчээрийн монгол үнээний сүү, химийн найрлагагүй байгалийн цэвэр бүтээгдэхүүн. 

Бид монголчуудын эртнээс уламжлагдан ирсэн идээ ундаагаа боловсруулах аргыг үйлдвэрлэлийн орчин үеийн технологитой хослуулан сэргээж энэхүү тансаг идээний дээжийг хэрэглэгчдэдээ хүргэж байна. 



Бүтээгдэхүүнээ дэлхийн зах зээлд гаргах, экспортлох зорилгоор бүтээсэн бөгөөд өндөр түвшинд шүүж цэвэршүүлэн, Монголд төдийгүй гадаад хэрэглэгчдийн амтлах таашаалд нийцүүлэн бүтээсэн тансаг зэрэглэлийн бүтээгдэхүүн юм” гэж АПУ компанийн брэнд менежер А.Ууганбилэг тайлбарлав. 

Та уламжлалт сар шинийн баяраараа ёслол хүндэтгэлийн тэргүүн дээд сонголт "Шигүдэри" брэндийн шимийн архиар зочдоо дайлж, хүндтэй зочдодоо бэлэглэх бол “Шангрилл молл” худалдааны төвийг зориорой. Тус худалдааны төвийн  нэгдүгээр давхарт "Шигүдэри" брэндийн бүтээгдэхүүнийг танилцуулан, худалдаалж байна.  

ИННОВАЦ ШИНГЭСЭН ШИНЭХЭН БҮТЭЭГДЭХҮҮН БОЛОХ ЦАГААН ИДЭЭ

Мөн үеэр  АПУ компанийн дэргэдэх “APU Dairy” сүүний үйлдвэр уламжлалт сар шинийн баярын өмнөхөн инновац шингэсэн шинэхэн бүтээгдэхүүнээ танилцуулж байна. Сарлагийн сүүнээс гарган авсан шар тос, аарцан амттан, хайлмаг, таван төрлийн амт бүхий ааруул зэрэг бүтээгдэхүүн гаргажээ. 

“APU Dairy” компанийн “Гэр үйлдвэрлэл” төслийн зохицуулагч Б.Аминаа, Манай компани “Mont Yak” брэндийг үүсгэн сарлагийн сүүнээс шар тос, түүнийг дагалдан хайлмаг, аарцан амттан, ааруул, өрөм зэрэг есөн төрлийн бүтээгдэхүүн гарган авч байна.

Цагаан идээ нь кальци, уураг зэрэг амин дэм, эрдэс бодисоор баялаг байдаг. Бид хүмүүсийн цагаан идээний хэрэглээг нэмэгдүүлэхийн тулд илүү сонирхолтой болгож, инновац шингэсэн өвөрмөц  амттай бүтээгдэхүүнийг хэрэглэгчдэдээ санал болгож байна.

Бид түүхий эдээ малчдын ”Гэр үйлдвэрлэл” төслийн хүрээнд Архангай аймгийн Чулуут сумын малчин 30 өрхөөс авдаг. Малчин өрхүүдийг орчин үеийн үйлдвэрлэлтэй хоршин хамтарч ажиллах сургалтад хамруулж, сарлагаа саах анхан шатнаас эхлэн бүхий л шат дамжлагад нь эрүүл ахуйн стандарт шаардлагын дагуу хүлээн авч, тээвэрлэн түүхий эдийг Улаанбаатар хот дахь үйлдвэртээ хүлээн авч технологийн боловсруулалт хийсний дараа эцсийн бүтээгдэхүүн үйлдвэрлэдэг” гэлээ.   

Хэрэглэхэд хялбарыг бодож бага хэмжээгээр савлажээ. Жишээ нь, сарлагийн сүүний шар тос 200 гр-аар савлагдсан. Нэг удаагийн хэрэглээнд нийцүүлж 60 гр-аар савласан хайлмаг, аарцан амттан гаргажээ. Ааруулаа маалингын үртэй, ойн жимстэй зэрэг таван төрлийн амттайгаар үйлдвэрлэсэн бөгөөд монголчуудын хэрэглэж ирсэн цагаан идээний уламжлалт амт, чанарыг улам баяжуулан инновац шингээсэн бүтээгдэхүүн үйлдвэрлэжээ. Аарц нь, лайм, карамел, энгийн, гүзээлзгэнэ гэсэн дөрвөн төрлийн амттай бол хайлмаг нь гурван төрлийн амттай.

Эдгээр бүтээгдэхүүнийг “Шангрилла молл” худалдааны төвийн нэгдүгээр давхрын танхимд нэгдүгээр сарын 22-25-ны өдрүүдэд хэрэглэгчдэд танилцуулан худалдаалж байна. Мөн өнөөдрөөс /2024.01.22/ эхлэн Имарт болон Good Price сүлжээ дэлгүүрийн бүх салбараар худалдаалагдаж буй юм.