Манай сэргээн засах төв нь Өмнөд Солонгос улсын IMC зөвлөгөө үйлчилгээний төвтэй хамтран олон улсын стандартад нийцсэн хүртээмжтэй орчинг бүрдүүлж, Монгол улсын эмчилгээ оношилгооны стандартын дагуу “Мэдрэлийн эмгэгийн дагнасан Сэргээн засах” тусламж үйлчилгээг үзүүлж байна.

Сэргээн засах эмчилгээний хэрэгцээ шаардлагад нийцүүлэн Өмнөд Солонгос улсын сүүлийн үеийн тоног төхөөрөмжүүдийг  эмчилгээндээ ашиглан, олон улсын стандартын шаардлага хангасан эм тариагаар үйлчлэхээс гадна  хавдар, үе мөч, тулгуур эрхтний эмгэг, спортын гэмтэл,  осол гэмтэл, мэс заслын өмнө болон дараах бүх төрлийн сэргээн засах тусламж үйлчилгээг үзүүлнэ.

ХӨДӨЛГӨӨН ЗАСАЛ:

Хөдөлгөөн засалч нь аливаа өвчин эмгэг, хүрээлэн буй орчин, осол гэмтэл, насжилтын улмаас үүссэн бие махбодын хөдөлгөөн, үйл ажиллагааны чадвар алдагдал, амьдралын чанарыг хамгийн дээд, боломжит түвшинд сэргээн тогтворжуулах, урьдчилан сэргийлэх оношлох, эмчлэх мэргэжилтэн юм.                        

• Үений хөдөлгөөн далайцыг сайжруулах дасгал
• Булчингийн хүчийг нэмэгдүүлэх дасгал
• Алхаа сайжруулах дасгал
• Төрх байдлыг засах байрлал, дасгал
• Өдөр тутмын үйл ажиллагааг нэмэгдүүлэх дасгал
• Шилжих хөдөлгөөнийг сайжруулах дасгал (тэргэнцэр, орноос шилжих)
• Тэнцвэр сайжруулах дасгал
• Суурь хөдөлгөөнийг сайжруулах дасгал (зөв босох, суух, хэвтүүлэх)
• Ортез протез болон туслах хэрэгслийн  зөвлөгөө

ХӨДӨЛМӨР ЗАСАЛ:

Хөдөлмөр засалч нь үйлчлүүлэгчийн амьдралын утга учир сэтгэл ханамж, амьдралын чанарыг сайжруулахад туслах ба алдагдсан хөдөлмөрийг эргэн сэргээх,  үйлчлүүлэгч бүрийн үйл ажиллагааны чадвар биеийн байдал, онцлогт тохируулан үнэлгээ, тусламж үйлчилгээ үзүүлнэ.

• Өдөр тутмын үйл ажиллагаа, бие даасан  байдлыг  сайжруулах
• Гарны нарийн нийлмэл хөдөлгөөнийг сайжруулах  (Атгах, чимхэх )
• Танин мэдэхүйн үйл ажиллагаа сайжруулах дасгал
• Орон зай, цаг хугацааны баримжаа сайжруулах
• Анхаарал төвлөрөлт сайжруулах дасгал
• Нэрлэх, унших чадвар сайжруулах дасгал
• Харилцах чадвар сайжруулах дасгал (ойлгох, илэрхийлэх)
• Хэл залгиурын үйл ажиллагаа сайжруулах дасгал
• Ортез протез ,туслах хэрэгслийн  зөвлөгөө тохируулга
• Нийгмийн үйл ажиллагаанд оролцох оролцоог дэмжих

Бид тархины цус харвалт, осол гэмтэл, өвчин эмгэгийн дараах сэтгэлзүйн байдлыг үнэлж хэвийн амьдралдаа эргэн оролцох чадварыг сэргээх, нөхөж орлуулах, шинэ чадварт суралцахад чиглүүлэх тусламж үйлчилгээг үзүүлж байна

ӨДРИЙН ЭМЧИЛГЭЭ:

Та цаг хугацаагаа хэмнэн өөрт шаардлагатай сэргээн засахын эмчилгээ үйлчилгээг хавсран хийлгэх боломжтой.

Манай төвийн өдрийн эмчилгээнд ирснээр:

• Нарийн мэргэжлийн эмч нарын үзлэг, зөвлөгөө
• Мэдрэлийн болон эрчимт эмчилгээний мэргэжлийн сувилагчийн тусламж үйлчилгээ
• Мэргэжлийн хөдөлгөөн засалч, хөдөлмөр засалчийн тусламж үйлчилгээ
• Оношны дагуу чанарын баталгаат эм, тарианы үйлчилгээ
• Орчин үеийн дэвшилтэт техник, технологийн эмчилгээ, үйлчилгээг боломжит үнэ, тарифаар тав тухтай орчинд, дараалалгүй, түргэн шуурхай авна.

ХАЯГ: Улаанбаатар хот БЗД дүүрэг 18-р Хороо Намьяанжугийн гудамж-9 23 тоот 13370,  ХАВДАР СУДЛАЛЫН ҮНДЭСНИЙ ТӨВ-ийн чанх ард

УТАС: 77102255