Төрийн тахилгат Бурхан Халдун уулыг Дэлхийн байгалийн өвд бүртгүүлэх судалгааны ажил эхлээд багагүй хугацаа өнгөрчээ.

БСШУЯ байхаас эхтэй судалгаа, мэдээлэл цуглуулах ажил өнгөрсөн жил дуусаж, ЮНЕСКО-гийн биет соёлын өв бүртгэх албанынханд материалаа илгээсэн байна. Тэгвэл өнгөрсөн долоо хоногт тус байгууллагын хоёр мэргэжилтэн манай улсад ирж, Бурхан Халдун хайрхныг үзээд буцжээ.

Тэд байгалийн тогтоц, болон тахилга, түүх дурсгалын тухай мэдээлэл авч, дээгүүр нь нисэж үзсэн гэнэ. Ирэх оны зургадугаар сард ЮНЕСКО-гийн дараагийн хурал болох бөгөөд энэ үеэр Бурхан Халдуныг соёлын биет өв, тэр дундаа дэлхийн байгалийн өвд бүртгэх, эсэхийг шийдэх юм.

Одоогийн байдлаар ЮНЕСКО-гийн Дэлхийн байгалийн өвийн жагсаалтад Монголын Увс нуурын ай сав, Орхоны хөндийн соёлын дурсгалт газар, Алтайн нурууны хадны зургийн цогцолборыг бүртгээд байгаа юм. Монгол Улсаас ЮНЕСКО-д бүртг үүлсэн соёлын өвийн жагсаалтыг танилцуулъя.

Ж.Солонго