Хуульзүйн байнгын хорооны хуралдаанаар Галт зэвсгийн тухай хуулийн шинэчилсэн найруулагын төслийг хэлэлцжээ. 

Монгол Улсын хэмжээнд 46,982 буу бүртгэлтэй байгаагаас 94 хувь буюу 44,306 ширхэг буу нь агнуурын зориулалттай байна. Үүнээс 5000 ширхэг нь хагас автомат ажиллагаатай буу юм.

Галт зэвсэгийн тухай хуулийг хэрэгжүүлэгч субьект нь ангийн буутай иргэн, хуулийн этгээдэд зориулагдаж байна. Эдгээр бууны ихэнх нь Тоз-8, Сайга, ЗКК-600, Винтов, Карабин, Иж-18 болон зарим тохиолдолд АКМ, Бирдан, Медведь, СКЗ, Марс, Макаров, Маузер гэх мэт галт зэвсэг байна.  

Галт зэвсгийн тухай хуулийн шинэчилсэн найрууллагын төсөлд хагас автомат бууг ан агнахыг хориглосон заалтыг оруулсан. Амьтныг олноор хоморголон агнах боломжтой ОХУ-д үйлдвэрлэсэн хагас автомат бууг ан агнахад ашиглахгүй.

Ийм төрлийн бууг тухай өмчлөгч иргэн спорт буудлагын зориулалтаар тирд буудаж болно мөн үзмэрийн зориулалтаар хадгалж болохоор хуулийн төсөлд тусгажээ.

Ан агнуурын аж ахуй хөгжсөн Европын орнууд, АНУ-д тусгай сургалтанд хамрагдаж, шалгалтанд тэнцвэл галт зэвсэг эзэмших эрх олгодог.

Манай улс иргэдээ зэвсэгжүүлэхгүй гэсэн бодлого баримталж байгаа энэ цаг үед ан агнах зориулалттай галт зэвсгийн зохицуулалтыг маш сайн болгох шаардлага тулгарч байна.

Учир нь агнуурын амьтны тоо толгой жилээс жилд багасах болсны том шалтгаан нь хууль бус агнуур юм.