Монголчуудын зорин очиж амрах дуртай байгалийн үзэсгэлэнт газруудын нэг бол Увс аймгийн Хяргас нуурын Хэцүү хад юм. Шинэ оны өмнөхөн очиж өвлийн өнгө төрхийг нь буулгаад ирсэнээ та бүхэнд толилуулж байна.

Увс аймгийн төвөөс зүүн урагш 230 километр, Завхан сумаас 60 километр зайд Хяргас нуурын зүүн хэсэгт усан доогуур 5-7 километр үргэлжлэх 20 метр өндөр хадан цохио байх бөгөөд түүнийг Хэцүү хад гэнэ. 

Тэрхүү хадны зарим орой нь уснаас цухуйн гарч арал мэт сүртэй харагдана. Тэрхүү цухуйж гарсан орой нь усны шувуудын диваажин бөгөөд тэнд үүрээ засаж өндөглөнө.

Оросын жуулчин А.В.Бурдуков “Хэцүү хад бол байгалийн гойд сонин тогтоц, үзэсгэлэнт сайхнаараа Монголд хоёрдогч нь юм” хэмээн өөрийн тэмдэглэлдээ бичжээ.

Хэцүү хад руу хүрэх нуурын эрэг орчмын зам сул элс, дэржигнүүр ихтэй тул мосттой машин унаа хэрэглэх нь тохиромжтой.  







Нийтлэлийг. Г. Ган-Өлзий

Фэйсбүүк: Gan-Ulzii Photographer

Инстаграм: Gan-Ulzii_Photogapher

Сонирхолтой мэдээ, мэдээлэл, зөвлөгөө, тэмдэглэл үргэлжлүүлэн уншихыг хүсвэл ЭНД дарна уу.