Сонгинохайрхан дүүргийн 30-р хороо “Хилчин” хотхон орчмын 11 га газрыг газар шинэчлэн зохион байгуулж, амины орон сууц бүхий шинэ хороолол болгохоор Нийслэлийн иргэдийн төлөөлөгчдийн хурлын ээлжит хуралдаанаар баталлаа.

Хилчин хотхон орчмын газар нь нийслэлээс газар шинэчлэн зохион байгуулж буй анхны байршил юм.

Энд амьдарч буй 168 өрхийн 672 иргэн 100 хувийн саналаар дахин төлөвлөлтийн төслийг дэмжсэн байна.

Төлөвлөлтөөр нэг төрлийн тохилог амины орон сууц бий болгож,
-хороолол дунд 6м өргөнтэй гол зам,  
-3.5м өргөнтэй туслах зам,
-ногоон байгууламж,
-таксины зогсоол,
-5м өндөртэй нарны эрчим хүч ашигладаг гудамжны гэрэлтүүлэг зэргийг цогцоор шийдэх гэнэ.

Харин инженерийн дэд бүтцийн хувьд цэвэр бохир усыг төвийн шугамнаас холбох бөгөөд дулааныг шийдэхдээ нүүрсийг шингэрүүлсэн хий болгож хийн зуухны үйлдвэрээр хангахаар төлөвлөжээ. Энэ нь өдөрт 2500м3 хий гаргах хүчин чадалтай аж.



А.Сүрэн