Төрийн байгуулалтын байнгын хорооны хуралдаанаар сонгуулийн холимог тогтолцооны үйлчлэх хугацааг 2024 оноос эхлүүлэхийг дэмжлээ.

Хуралдаанд 16 гишүүн оролцсоноос 13 нь Үндсэн хуулийн 21.4-т "УИХ-ын сонгуулийг олонхийн болон хувь тэнцүүлэх зарчмыг хослуулан явуулна. Сонгогч тойрогт нэр дэвшсэн болон намын жагсаалтад орсон нэр дэвшигчийн төлөө саналаа өгнө" гэж нэмэхийг дэмжсэн байна.

Зургадугаар сарын 6-ны өдөр УИХ-ын гишүүн Д.Лүндээжанцан нарын 62 гишүүний өргөн мэдүүүлсэн Монгол Улсын Үндсэн хуульд оруулах нэмэлт, өөрчлөлтийн төслийн гурав дахь хэлэлцүүлгийг хийсэн юм.

Ардчилсан Намын зүгээс сонгууулийн холимог тогтолцоог 2020 буюу ирэх зун болох сонгуулиас эхлүүлэх нь зүйтэй гэсэн байр суурьтай байгаа бөгөөд хэрэв саналыг дэмжихгүй бол зөвшилцлийн ажлын хэсгээс гарахаа мэдэгдээд байсан.

Харин байнгын хорооны хуралдаанаар бэлтгэж ажил болон хэрэгжүүлэх нөхцлийг харгалзан үзэж 2024 оноос хэрэгжүүлэх нь зүйтэй хэмээн үзсэн байна.