• Хүндийн өргөлтийн Азийн аварга шалгаруулах тэмцээн болж байна
• Тэмцээний 4 дэх өдөр Г.Анужин мөнгөн медаль хүртлээ

Хүндийн өргөлтийн 2024 оны Азийн аварга шалгаруулах тэмцээн Узбекистаны нийслэлийн Ташкент хотод тав дэх өдрөө үргэлжилж байна.

Тэмцээнд Монголын 14 тамирчин оролцохоор бүртгүүлсэн бөгөөд өчигдөр буюу дөрөв дэх өдөр, эмэгтэйчүүдийн -64 кг жинд Ганзоригийн Анужин мөнгөн медаль хүртлээ.

Тэрээр огцом өргөлтийн эхний оролдлогоороо 90 кг өргөсөн бөгөөд хоёр дахь оролдлогоороо 94 кг захиалсан ч өргөж чадалгүй хоёрдугаар байр эзэлсэн. Түүний жинд Хойд Солонгосын тамирчин 112 кг өргөж эхний алтан медалийн эзэн болсон.

• Хүндийн өргөлтийн Азийн АШТ-д Монголын 14 тамирчин өрсөлдөнө
• Г.Анужин хүндийн өргөлтийн Азийн аварга боллоо

Харин Г.Анужин түлхэлттэй өргөлтөөр 111 кг захиалсан ч амжилт олоогүй ба хоёр дахиараа 111, гурав дахиараа 112 кг-ыг өргөж чадалгүй тэмцээнээ дуусгасан. Улмаар зөвхөн огцом өргөлтийн төрөлдөө мөнгөн медаль хүртсэн байна.

Хойд Солонгосын тамирчин Ри Сук огцмоор 112, түлхэлтээр 141 кг өргөж хоёр алтан медаль хүртсэн бол Тайванийн Ли Вей Чиа түлхэлтээр 118 кг өргөж мөнгөн медаль хүртэв. Тус жингийн огцмын хүрэл медалийг Өмнөд Солонгосын Хан Жиан 88 кг өргөж авсан бол нутаг нэгт тамирчин Пак Мин Юүн түлхэлтээр 116 кг өргөж хүрэл медалийг авсан байна.

26 настай Г.Анужин 2023 оны Азийн аваргад анх удаа түрүүлсэн бөгөөд ийнхүү мөнгөн медаль хүртсэнээр Азийн аваргын иж бүрэн медальтан боллоо.