• Өнгөрсөн сард дуучин бүсгүй бактерийн халдварын улмаас эмнэлэгт хүргэгдсэн
• Тэрбээр эрчимт эмчилгээний дараа эмнэлгээс гарч, гэртээ эмчлүүлж байв
• Улмаар төлөвлөсөн аялан тоглолтоо хойшлуулахад хүрсэн юм

Өнгөрсөн сард поп дуучин Мадонна хүнд хэлбэрийн бактерийн халдвараар өвчилж эмнэлэгт хүргэгдээд байсан. Тэрбээр уг явдлаас сар гаруй хугацааны дараа хүүхдүүдтэйгээ авхуулсан зургуудаасаа хуваалцаад “Гэр бүл, найз нөхдийн хайр бол хамгийн шилдэг эм” хэмээн нийтэлжээ.

64 настай дуучин бүсгүйн хувьд бактерийн халдварын улмаас энэ сарын 15-нд Канадаас эхлүүлэх гэж байсан аялан тоглолтоо хойшлуулахаа мэдэгдээд байв. Тэрбээр эрчимт эмчилгээ хийлгэж, хэд хоногийн дараа эмнэлгээс гарсан бөгөөд гэртээ эмчлүүлж байсан юм.

Мадонна цахим хуудсаараа дамжуулан эмчилгээний хугацаанд түүний дэргэд байж, халамжилсан гэр бүл, найз нөхөд мөн менежертээ талархаад "амьд байгаадаа" баярлаж буйгаа илэрхийлжээ. 

Тус аялан тоглолт түүний хувьд 12 дахь удаагийнх бөгөөд хөгжмийн салбар дахь 40 гаруй жилийн хөдөлмөрийг нь харуулсан тоглолт болох байв.

Эх сурвалж: ВВС