Гадаадын иргэн, харьяатын газар дэлхийн 64 улсад нэвтэрсэн БНХАУ-ын цахим төлбөрийн хэрэгсэл болох олон улсын төлбөр хүлээн авах "Wechat pay" системийг үйлчилгээндээ нэвтрүүллээ.

Ингэснээр Монгол Улсад аялал жуулчлал болон бизнесийн зорилгоор зорчин ирж буй гадаадын иргэд хилийн боомтоос виз авахдаа визийн төлбөр тооцоо, гүйлгээгээ дээрх системээр хийх боломжтой болж байна. 

Монгол Улс "Wechat pay"-ийг нэвтрүүлсэн 65 дахь орон болж, Монгол төгрөг уг системийг дэмждэг 25 дахь валют болжээ. Уг үйлчилгээг дэлхий даяар ашигладаг нийт 1.2 тэрбум хэрэглэгч байдаг.

Олон улсын төлбөрийн систем төдийгүй бэлэн мөнгө, карт ашиглахгүйгээр гар утсаараа гадаад төлбөр тооцоог түргэн шуурхай хийх боломжтой бөгөөд цаашид Гадаадын иргэн, харьяатын газраас үзүүлж байгаа бүх төрлийн үйлчилгээнд уг системийг нэвтрүүлэхээр ажиллаж байгаа аж. 

Эх сурвалж: Гадаадын иргэн, харьяатын газар