Хичээлийн шинэ жил эхлэхтэй холбогдуулан ариутгал, халдваргүйтгэлийн ажлыг төвийн 6 дүүргийн хэмжээнд дахин зохион байгуулж байна.

• VIII/21-ний өдөр Баянгол дүүрэгт
• VIII/22,23-ны өдөр Баянзүрх дүүрэгт
• VIII/ 24-ний өдөр Сүхбаатар дүүрэгт,
• VIII/25-ны өдөр Чингэлтэй дүүрэгт
• VIII/ 26-ны өдөр Хан-Уул дүүрэгт
• VIII/ 28,29-ний өдөр Сонгинохайрхан дүүрэгт мананцар үүсгэгч тусгай зориулалтын автомашинаар ариутгалыг хийхээр хуваарилж, хийгээд эхэлсэн байгаа.

Долдугаар сарын 7-ны өдрөөс хойш Сүхбаатар, Баянзүрх, Баянгол, Хан-Уул дүүргийн зарим хорооны орон сууц, гэр хорооллын үерт автсан байршлуудад мэргэжлийн ариутгал халдваргүйтгэлийн тусгай зөвшөөрөлтэй компаниудтай гэрээ байгуулан давхардсан тоогоор:

• Үерийн ус орсон 146 байрны орц, зоорийн давхар, хүүхдийн тоглоомын талбай, гаднах орчинд 8 удаа,
• Сэлбэ, Дунд голын ай савын газарт 4 удаа,
• Гэр хорооллын гудамж талбайд 6 удаагийн давтамжтайгаар нийт 4,8 сая м.кв талбайд, Хот тохижилтын газар ОНӨААТҮГ-ын мананцар үүсгэгч тусгай зориулалтын автомашинаар 61 удаагийн рейсээр төвийн 6 дүүргийн нийтийн эзэмшлийн 3,6 сая м.кв талбайд буюу нийтдээ 8,4 сая мкв талбайд ариутгал, халдваргүйтгэл хийв.