Канад улсын Квебек хотод "Winter world masters games" буюу Дэлхийн ахмад тамирчдын их наадамд нэгдүгээр сарын 31-нд эхэллээ.

1985 оноос хойш зохион байгуулагдаж буй энэхүү наадамд энэ жил дэлхийн 22 орны 3000 орчим тамирчин өрсөлдөж байна. 

Монгол Улсаа төлөөлөн оролцсон гүйлтийн тэшүүрийн баг тамирчид өндөр амжилт үзүүллээ.

Гүйлтийн тэшүүрийн төрөлд өрсөлдсөн тэшүүрийн спортын 27 удаагийн улсын аварга, ОУХМ  Л.Алтанцэцэг 500м, 1500 метрт түрүүлж хос алтан медаль хүртжээ.

Тэшүүрийн спортын 15 удаагийн  улсын аварга, ОУХМ  Н.Эрдэнэтуяа насны ангилалдаа хос хүрэл медалийн эзэн болж бахдам амжилт гаргажээ.