Сүмо бөхийн дээд зиндаанд монгол хүн түрүүлснээс хойш 20 жил өнгөрчээ. Анх 2002 оны арваннэгдүгээр сарын тэмцээн буюу Кюүшюү башёд сүмо бөхийн 68 дахь ёкозүна, их аварга Асашорюү Д.Дагвадорж түрүүлж монголчууд манлайлах  салхийг хагалж байв.

Түүнээс хойш Монголоос дөрвөн аварга төрж, сүүлийн 20 жилийн хугацаанд болсон нийт 118 башёны 93-т нь буюу 78.8 хувьд нь Монгол хүн түрүүлжээ. 

Үүнээс Хакүхо М.Даваажаргал 45, Асашорюү Д.Давгадорж 25, Харүмафүжи Д.Бямбадорж 9, Какүрюү М.Ананд 6, Терүнофүжи Г.Ган-Эрдэнэ 6, Тамаваши Б.Мөнх-Оргил 1, Кёкүтэнхо Н.Цэвэгням 1 удаа түрүүлжээ.

Сүмо бөхийн 2022 оны нэгдүгээр сарын тэмцээн буюу Хацү башё өнөөдөр 11 дэх өдрөө үргэлжилж буй. Одоогоор идэвхтэй барилдаж буй монгол аварга нэг байгаа нь Терүнофүжи Г.Ган-Эрдэнэ юм. Тэрбээр арван өдрийн барилдааны дараа 9 даваа 1 унаатайгаар Митакэүмигийн хамт башёг тэргүүлж байна.

Хацү башёны дээд зиндаанд

1. Ёкозүна Терүнофүжи Г.Ган-Эрдэнэ
2. Маэгашира 1 Кирибаяама Б.Лхагвасүрэн
3. Маэгашира 2 Ичиножо А.Ичинноров
4. Маэгашира 3 Тамаваши Б.Мөнх-Оргил
5. Маэгашира 6 Хошорюү С.Бямбасүрэн
6. Маэгашира 5 Чиёошома Г.Мөнхсайхан нарын зургаан Монгол бөх зодоглосон.