Эрүүл мэндийн яам, Нийгмийн эрүүл мэндийн үндэсний төвөөс тарваган тахал өвчин гарч болзошгүй маш өндөр эрсдэлтэй аймгуудыг танилцуулав. Үүнд: 

• Увс
• Баян-Өлгий
• Ховд
• Завхан
• Архангай
• Хөвсгөл 
• Говь-Алтай
• Баянхонгор
• Өвөрхангай
• Дорноговь аймаг багтжээ.

Тарваган тахлын халдвар дамжих зам:

• Шууд хавьтал (тахлаар өвчилсөн тарвага агнах, арьс өвчих, мах эвдэх)
• Агаар дусал
• Дам халдвар (мэрэгч амьтдын бөөс, бүүрэгт хазуулах)
• Хоол боловсруулах зам (тарваганы түүхий эд, эрхтэн залгих, дутуу чанасан  мах идэх)

Шинж тэмдэг:

• 38-40 хэм хүрч халуурах  
• Суга, цавь, хүзүү, тунгалгийн булчирхай цочих, хөдөлгөөнгүй маш их эмзэглэлтэй болох
• Бүх бие булчингаар шархирч өвдөх
• Толгой өвдөх
• Ханиалгах
• Цустай цэр гарах
• Амьсгалахад хүндрэлтэй болох  
• Бөөлжих
• Хэвлийгээр өвдөх
• Суулгах

Урьдчилан сэргийлэх:

• Тарвага агнахгүй байх
• Тарваганы мах идэхгүй байх
• Түүхий эд, эрхтэнг хэрэглэхгүй байх
• Тарвагыг нохойгоор бариулахгүй байх, урхи, хавхаар агнахгүй байх
• Тарваганы түүхий мах эд, эрхтэнг хот суурин газарт оруулахгүй байх
• Хүүхдийг тарваганы дошон дээр тоглуулахгүй байх
• Шимэгчид хазуулахаас сэргийлж дайжуулагч хэрэглэх
• Тарваган тахлын эсрэг вакцин тариулах
• Гэр орондоо агнасан тарвага, арьс хадгалахгүй байх
• Үхсэн, хөдөлгөөн удааширсан тарваганд хүрэхгүй байх

Үхсэн тарвага, мэрэгч амьтдын тухай Зоонозын өвчин судлалын төвд  яаралтай мэдээлэх (70282853, 70284393) Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөхийг зөвлөж байна.

Ташрамд мэдээлэхэд Байгаль орчин, аялал жуулчлалын сайдын 2021 оны 193 дугаар тушаалаар тарвагыг ахуйн болон үйлдвэрлэлийн зориулалтаар агнахыг Монгол орны хэмжээнд 3 жилийн хугацаатай хориглосон.