Мэдээллийн технологийн салбарт тэргүүлэгч “Саммит Компьютер Технологи” ХХК өнгөрөгч долоо хоногийн баасан гарагт EPSON брэндийн Монгол дахь албан ёсны нээлтийн ажиллагааг хийлээ.

Дэлхийд мэдээллийн технологийн салбарт тэргүүлэгч Японы “Seiko Epson Корпораци” нь урт удаан хугацааны судалгаа, шинжилгээнийхээ дараа Монгол Улс дахь хамтран ажиллагч түншээрээ “Саммит Компьютер Технологи ХХК”-г сонгосон юм.

Ингэснээр Монголын худалдан авагчид оригинал Epson брэндийн инкжэт болон лазержет, матрицан, пос-ын принтерүүд, сканнер, проектор зэргийг үйлдвэрээс нь шууд PC mall-ын 33 салбараас худалдан авах боломжтой болж байна.



“Ivy” ресторанд болж өнгөрсөн энэхүү нээлтийн ажиллагаанд “Seiko Epson Корпораци”-ийн Азийн бүсийн Ерөнхийлөгч ноён Коике Киёофүми, Epson Hong Kong компанийн Ерөнхийлөгч Такехико Такизава, Япон Улсаас Монгол Улсад суугаа бүрэн эрхт элчин сайдын зөвлөх Ноён Хино болон МШХХТГ-ын Орлогч Дарга А.Мөнхбат, Төрийн соёрхолт, Монгол Улсын гавъяат жүжигчин Д.Сосорбарам, “Саммит Компьютер Технологи” ХХК-ийн Ерөнхий Захирал Т.Ганбат зэрэг хүндэт зочид, төлөөлөгчид хүрэлцэн ирсэн байна.



Epson T50 өнгөт принтерээр хамгийн анхны хуудсыг хэвлэснээр албан ёсоор EPSON брэндийг Монголд нээлээ.



Нээлтийн ажиллагаанд “Саммит Компьютер Технологи” ХХК-ийн Ерөнхий Захирал ноён Т.Ганбат хэлэхдээ “Epson бол чанарыг эрхэмлэдэг компани. Бид дэлхийд тэргүүлэгч компаний Монгол Улс дахь албан ёсны төлөөлөгчөөр сонгогдон бүх төрлийн бүтээгдэхүүнүүдийг нь өөрсдийн борлуулалтын сувгаараа борлуулж, борлуулалтын дараах засвар үйлчилгээг үзүүлэх эрхийг авсандаа таатай байна. Цаашид бид байгууллагуудын өсөн нэмэгдэж буй технологийн хэрэгцээ шаардлага, үйлчилгээний өндөр стандартыг хангахын төлөө хичээн ажиллах болно” гэсэн юм.

www.summit.mn , www.pc-mall.mn