Ахмадууд тэтгэврийн зээлтэй холбоотой асуудлаар өнөөдөр /2025.07.03/ мэдээлэл хийлээ.  

Тэд, Монголбанк тэтгэврийн зээлийн өр, орлогын харьцааг 50:50 хувь болгосныг эсэргүүцэж байна. Ахмадууд хүссэн хэмжээний зээлээ авмаар байна. Бид нар зээлийн хүү буулга гэж хэлээгүй.

Тэтгэврийн зээлийг 36 сараар, 100 хувь авдаг болмоор байна. Энэ асуудлыг 7-р сарын 4-ний дотор шийдэхгүй бол одоогийн байдлаар есөн хүн өлсгөлөн зарлахад бэлэн гэдгээ мэдэгдсэн.

Ахмадууд тэтгэврийн зээлийг өөртөө зориулдаггүй. Үр хүүхдүүддээ сургалтын төлбөр, автомашин авах зэрэгт зарцуулдаг. Эцэст нь өөрсдөө эмээ авах, амжиргааны мөнгөгүй хүнд байдалд үлддэг гэж Гэр бүл, хөдөлмөр, нийгмийн хамгааллын яам болон Монголбанкныхан хэлж байна.

Залуучууд эцэг, эхээ дарамталж тэтгэврийн зээл авхуулдаг гэдэг ярианд бид итгэдэггүй. Тийм баримт байвал гаргаад ирэх хэрэгтэй гэв.