Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.

"Морины" хэмээх тодотголоор алдартай МУГЖ Гэнэнгийн Баятбаярт "Ардын жүжигчин" цол тэмдэг олголоо. Тэрбээр Монгол Улсын соёл урлагийн салбарт 40 гаруй жил хөдөлмөрлөхдөө адууны тухай 100 гаруй дуу, цэрэг, эх орны болон ардын 200 гаруй уран бүтээлээрээ монгол түмний урын санг баяжуулж, монгол дууг олон улсад сурталчлан таниулж, салбартаа үнэтэй хувь нэмэр оруулжээ.