Нийслэлийн боловсролын салбарт энэ онд 139 төсөл хэрэгжиж байна. 2025 оны эхний хагас жилийн байдлаар дөрвөн сургууль, таван цэцэрлэг, гурван бага сургууль болон цэцэрлэгийн цогцолборыг ашиглалтад оруулаад байна.

Тухайлбал, БГД-ийн 16 дугаар хороонд байрлах Монголын бурхан шашинтны төв-Гандантэгчэнлин хийдийн 320 хүүхдийн суудалтай сургуулийг ирэх есдүгээр сард ашиглалтад оруулна.

Барилгын ажлыг "Гантоонот" ХХК гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлж байна.

Тус барилга нь 32.5х18.6 ам метр хэмжээтэй, 2720 мкв талбай бүхий зоорьтой, дөрвөн давхар.

Одоогоор дотор засал болон гадна тохижилт хийгдэж байгаа бөгөөд ажлын явц 90 хувьтай үргэлжилж байна.