Хүүхэд багачуудын онлайн ертөнц дэх дотны анд болох GoGo Kids нь төрөл бүрийн хичээл, үлгэр, дуу, тоглоомуудаар дүүрэн вебсайт билээ. Эдгээр нь хөдөлгөөнт анимэйшн хэлбэрээр хийгдсэн ба хүүхдийн сонирхлыг татах өнгө аястай хэрнээ танин мэдэхүйн сурган хүмүүжүүлэх ач холбогдолтой юм.  

Хичээлүүд маань дотроо нас насны ангилалтай 4 үе шаттай.

Нэгдүгээр шат:
Хүүхэд суралцаж эхлэхийн өмнө хийх ёстой зүйл бол бодитой эд зүйлийн талаар сонирхолтой болох юм.  Үсэг, тоо, ангилал зэргийг мэдэж авахын өмнө бодит эд юмсын төрх хүүхдийн ой ухаанд байж байх ёстой. Хараахан бодит сургалтын үе шат биш тул үсэг зэргийг заах гэсэн шуналаа хаях нь зүйтэй бөгөөд хүүхэд  юмсыг мэдэрч  хүлээж авч байхад л хангалттай.

Хоёрдугаар шат:
Бодит эд юмсын том, жижиг, урт, өндрийн ойлголтыг суулгаж өгөхийн тулд сургалтанд гарч байгаа агуулгуудыг амьдрал дээр бодитоор туршаарай. Хүүхэд хийсвэр дүр төрхөөс бодит дүр төрхийг илэрхийлж чадах эхлэл нь болно.  Хүүхдийн амьдралын үндсэн зуршил энэ л үед тавигдаж эхэлдэг тул дахин дахин давтаж амьдралын зуршлыг нь зөв чиглүүлж , найз нөхдийн холбоотой болоход нь туслаарай.

Гуравдугаар шат:
Энэ шатны хүүхэд гэр бүлээсээ гарч бүлгээр анх удаагаа амьдарч эхэлдэг тул биелүүлэх ёстой үүрэг амлалт, бусдыг хүндэлж анхаарал тавих зэрэгт суралцдаг. Мөн олон нийтийн газар явж үзэх тохиолдол ихэсдэг болохоор дэг журам, зарчим зэргийг сайтар сургахад маш их хичээл зүтгэл хэрэгтэй юм. Аль болох өөрийн биеэр нөхцөл байдлыг туулж өөрөө зөв бурууг ялгаж шийдэх боломжуудыг гаргавал сайн.

Дөрөвдүгээр шат:
Хүүхэд бүрийн цаг нь өөр байдаг ба хүүхэд аль хэдийн мэддэг болсон эд юмс болон нөхцөл байдлыг олон дахин давтаж хийлгээд байвал хүүхэд өөрөө өөрийн гэсэн мэдрэмж, тайлбарыг хийдэг ба үүнийгээ чөлөөтэй илэрхийлэхэд нь туслаарай. Гэхдээ энэхүү үйл явцыг эцэг эх  хүчээр хийлгэх юм уу, өмнөөс нь хийж болохгүй бөгөөд хүүхэд өөрөө аяндаа мэдрэмжээ хэлж ярих юм уу, зураг зэргээр бодлоо илэрхийлэх үед нь илүү баялагаар бодож сэтгэхэд нь тусалж олон янзын эд юмс болон үйл явдлуудыг харуулж өгч болно.

GOGO KIDS –ээр аялснаар:

ХҮҮХДИЙН ДУУНЫ ОРОН булангаас багачууд сонсгол, хөгжмийн авьяасаа хөгжүүлэх боломжтой.

Түүнчлэн хүүхдийн төсөөлөн бодох чадвар болон танин мэдэхүйд тус нэмэр болох ҮЛГЭРИЙН ОРОН булан тун ч сонирхолтой.

Мөн IQ, EQ, CQ-г нэгтгэж танин мэдэхүйн хөгжилд тулгуурласан сэдэвчилсэн боловсролын үйлчилгээ бүхий ТАНИН МЭДЭХҮЙ, СУРАХУЙН ОРОН булантай.

Үүнээс гадна багачуудын хамгийн их сонирхлыг татдаг онлайн тоглоомоор дамжуулан оюун ухааныг нь хөгжүүлэх ТОГЛООМЫН ОРОН ч бас бий.

Авхаалж самбаа, анхаарал, өнгөний ялгаа, хэмжигдэхүүний тухай ойлголтыг тоглоомоор дамжуулан хөгжүүлэх ӨНГӨ БУДГИЙН ОРОН бусдаасаа өвөрмөц, их гоё.