Хэдхэн жилийн өмнө л бүх төрлийн төлбөр тооцоог бэлэн мөнгөөр хийж, мөнгө шилжүүлэх, хэрэглээний төлбөрөө төлөх гэх мэт энгийн үйлчилгээг авахын тулд аль нэг банкны салбарт очиж, урт дараалалд зогсон, цаг заваа гарзаддаг байжээ. Тэгвэл бид өнөөдөр харилцаа холбооны дэвшилтэт технологийн ачаар өдөр тутмын амьдралынхаа санхүүгийн асуудлуудын 70 гаруй хувийг бэлэн бус төлбөрийн сувгуудаар шийдвэрлэдэг болсон байна. 

Өндөр хурдны хөдөлгөөнт интернет буюу 3G, 4G технологи, ухаалаг гар утас болон бусад төхөөрөмжийн тусламжтайгаар банкинд дараалалд зогсолгүйгээр банк, санхүүгийн олон төрлийн үйлчилгээг алга эргүүлэхийн адилаар амар хялбар авдаг болсон. Харилцаа холбооны зохицуулах газрын гаргасан судалгаагаар 2016 оны эхний хагасын байдлаар Монгол Улсад 3,1 сая гар утас хэрэглэгч байгаагийн 2 сая нь ухаалаг утас ашиглаж байгаа бөгөөд 2.3 сая хэрэглэгч өндөр хурдны хөдөлгөөнт интернет буюу дата үйлчилгээг  өдөр тутам ашиглаж байна. 

Ийм олон хэрэглэгчтэй болсон учраас түүнд нь суурилсан төгс систем зайлшгүй хэрэгтэй. Нэг жишээ нь Мобиком корпораци болон Голомт банк хамтран нэвтрүүлж буй цоо шинэ Мобайл банк 2.0 үйлчилгээ юм.

Уг Мобайл банк 2.0 үйлчилгээний нэг давуу тал нь зөвхөн ухаалаг гар утас, интернет үйлчилгээний хамрах хүрээгээр хязгаарлагдахгүй бөгөөд Мобикомын сүлжээ орсон газраас, бүх төрлийн гар утаснаас ашиглах боломжтойд оршиж буй юм. Өөрөөр хэлбэл гар утсан дээрээ нэмэлт цэс, аппликейшн суулгах шаардлагагүй, энгийн товчлуур бүхий гар утаснаас ч ашиглах боломжтой тун хялбар үйлчилгээ ажээ.

Mobile bank 2.0 үйлчилгээний давуу талууд:

• Мобикомын сүлжээ орсон л бол интернэтгүй орчинд ч ашиглах боломжтой
• Бүх төрлийн утаснаас ( Энгийн болон смарт) ашиглах боломжтой
• Хэрэглэгч гар утсан дээрээ ямар нэгэн нэмэлт цэс, апп суулгахгүйгээр шууд *1646#-руу залган ашиглана
• Бүх банкны данс хооронд мөнгөн шилжүүлэг хийнэ
• Голомт банкны данснаасаа өөрийн болон бусдын Мобикомын дугаарын төлбөр төлж, нэгж, дата багц худалдан авах боломжтой зэрэг банкны болон Мобикомын олон төрлийн үйлчилгээг хамгийн хялбар шийдлээр хүлээн авна.

Та Мобайл банк 2.0 үйлчилгээний хэрэглэгч болохын тулд Голомт банкны аль нэг салбар дээр өөрийн биеэр, цахим үнэмлэхтэйгээ очиж бүртгүүлэхэд л хангалттай. Цаг зав, зардлаа хэмнэн санхүүгийн төлбөр тооцооны бүхий л асуудлаа Мобайл банк 2.0 үйлчилгээгээр зохицуулаарай.

Банкны болон Мобикомын үйлчилгээ илүү ойртлоо....

Дэлгэрэнгүй мэдээллийг дараах лавлах утаснуудаас лавлаарай: 

• Мобиком: 2222
• Голомт банк: 1800-1646