ОХУ-ын төрийн тэргүүн Владимир Путин, АНУ-ын Ерөнхийлөгч Дональд Трамп нар энэ оны долдугаар сард уулзаж магадгүй хэмээн ОХУ-ын Ерөнхийлөгч Владимир Путины хэвлэлийн төлөөлөгч Дмитрий Песков мэдээллээ.

Тодруулбал хоёр орны төрийн тэргүүний анхны уулзалт ирэх долдугаар сард Германы Хамбург хотод болох "Их 20"-ийн удирдагчдын дээд хэмжээний уулзалтын үеэр болох юм байна.

Сануулахад Путин, Трамп нар өмнө нь хэд хэдэн удаа утсаар ярилцаж, хоёр орны хоорондын харилцааг гүнзгийрүүлэн бэхжүүлж, тогтворжуулах хүсэлтэй байгаагаа илэрхийлж байсан.

Мөн хоёр улс терроризмын эсрэг тэмцэж, Ерөнхийлөгч асан Барак Обамагийн Засаг захиргааны үед хүчингүй болгосон зарим заалт, гэрээг сэргээхээр тохиролцсон юм.

Эх сурвалж: ВВС