Сүүлийн дөрвөн жилд “Эрдэнэт” үйлдвэрийг удирдсан Ц.Даваасүрэн ажлаа хүлээлгэн өгчээ. Ирэх жилүүдэд энэ үйлдвэрийг УИХ-ын гишүүн асан Х.Бадамсүрэн удирдана.
Дэлхийн зах зээлд зэсийн үнэ буурсан нь үйлдвэрийн үйл ажиллагаанд сөргөөр нөлөөлсөн. Эрдэнэт үйлдвэр 2013 оноос энэ оны аравдугаар сарын байдлаар 1.5 их наяд төгрөгийн татварыг улс болон орон нутгийн төсөвт төвлөрүүлжээ. Үйлдвэрлэлийн төлөвлөгөөг тогтмол давуулан биелүүлж, амжилттай ажилласан байна.
Хэмнэлтийн бодлогын үр дүнд нэг тонн зэс үйлдвэрлэх тооцоот, өөрийн өртгийг 2012 онтой харьцуулахад 2343 ам.доллароор бууруулж, өнгөрсөн аравдугаар сарын байдлаар 3717 ам.доллар болгон бууруулсан. Үүний үр дүнд сүүлийн дөрвөн жилд 379 тэрбум төгрөг хэмнэжээ.
Судалгаанаас үзэхэд дэлхийн хэмжээнд нэг тонн зэс үйлдвэрлэх өөрийн өртөг дунджаар 3986 ам.доллар байдаг байна.
Мөн Ц.Даваасүрэн захирал компанийн хэмжээнд авлага, өглөгийг бууруулах цогц арга хэмжээ хэрэгжүүлснээр авлагыг 2012 онтой харьцуулахад 67 хувиар, нийт өглөгийг 13 хувиар тус тус бууруулсан байна.
Ажилтан бүрийн хүчин чармайлтыг нэмэгдүүлэх зорилгоор сүүлийн дөрвөн жилд нэг ажилтанд 4 сая төгрөг, компанийн бүх ажилчдад нийт 32.5 тэрбум төгрөгийн урамшууллыг олгожээ.
Мөн компанийн өөрийн өртгийг бууруулах зорилгоор үйлдвэрлэлийн хүдэр боловсруулах хүчин чадлыг 6 сая тонноор нэмэгдүүлсэн, 48 мвт цахилгаан үйлдвэрлэх төсөл эхлүүлсэн, баяжуулах фабрикийн хаягдлын аж ахуйд бүтээн байгуулалт хийсэн, импорт орлох бүтээгдэхүүний үйлдвэрлэлийг нэмэгдүүлсэн, 2025 он хүртэлх үйлдвэрийн хөгжлийн зарчим, компанийн хаалт, хөгжлийн менежментийн бодлогыг боловсруулсан зэрэг олон ажлуудыг гүйцэтгэсэн байна.
Сүүлийн дөрвөн жилд “Эрдэнэт” үйлдвэрийг удирдсан Ц.Даваасүрэн ажлаа хүлээлгэн өгчээ. Ирэх жилүүдэд энэ үйлдвэрийг УИХ-ын гишүүн асан Х.Бадамсүрэн удирдана.
Дэлхийн зах зээлд зэсийн үнэ буурсан нь үйлдвэрийн үйл ажиллагаанд сөргөөр нөлөөлсөн. Эрдэнэт үйлдвэр 2013 оноос энэ оны аравдугаар сарын байдлаар 1.5 их наяд төгрөгийн татварыг улс болон орон нутгийн төсөвт төвлөрүүлжээ. Үйлдвэрлэлийн төлөвлөгөөг тогтмол давуулан биелүүлж, амжилттай ажилласан байна.
Хэмнэлтийн бодлогын үр дүнд нэг тонн зэс үйлдвэрлэх тооцоот, өөрийн өртгийг 2012 онтой харьцуулахад 2343 ам.доллароор бууруулж, өнгөрсөн аравдугаар сарын байдлаар 3717 ам.доллар болгон бууруулсан. Үүний үр дүнд сүүлийн дөрвөн жилд 379 тэрбум төгрөг хэмнэжээ.
Судалгаанаас үзэхэд дэлхийн хэмжээнд нэг тонн зэс үйлдвэрлэх өөрийн өртөг дунджаар 3986 ам.доллар байдаг байна.
Мөн Ц.Даваасүрэн захирал компанийн хэмжээнд авлага, өглөгийг бууруулах цогц арга хэмжээ хэрэгжүүлснээр авлагыг 2012 онтой харьцуулахад 67 хувиар, нийт өглөгийг 13 хувиар тус тус бууруулсан байна.
Ажилтан бүрийн хүчин чармайлтыг нэмэгдүүлэх зорилгоор сүүлийн дөрвөн жилд нэг ажилтанд 4 сая төгрөг, компанийн бүх ажилчдад нийт 32.5 тэрбум төгрөгийн урамшууллыг олгожээ.
Мөн компанийн өөрийн өртгийг бууруулах зорилгоор үйлдвэрлэлийн хүдэр боловсруулах хүчин чадлыг 6 сая тонноор нэмэгдүүлсэн, 48 мвт цахилгаан үйлдвэрлэх төсөл эхлүүлсэн, баяжуулах фабрикийн хаягдлын аж ахуйд бүтээн байгуулалт хийсэн, импорт орлох бүтээгдэхүүний үйлдвэрлэлийг нэмэгдүүлсэн, 2025 он хүртэлх үйлдвэрийн хөгжлийн зарчим, компанийн хаалт, хөгжлийн менежментийн бодлогыг боловсруулсан зэрэг олон ажлуудыг гүйцэтгэсэн байна.