Модон хөл, дэгээ гар, төмөр нударгаас эхлээд өнөөдөр ашиглаж байгаа ихэнх хуванцар хиймэл эрхтэн бидний байгалиас заяасан гар, хөлийг гүйцэхгүй. Хэн ч сайн дураараа хиймэл эрхтэнтэй болохыг хүсэхгүй.
Харин цаг хугацаа өнгөрөхийн хэрээр хиймэл эрхтэний ажиллагаа сайжирсаар. Тийм ч учраас зарим эд, эрхтэнийг хүний байгалиас заяасан гар, хөлнөөс илүү болгож эхэлжээ.
Жишээлбэл Phonak сонсголын аппарат гэхэд хүний сонсголыг сайжруулаад зогсохгүй, тодорхой цэгт өрнөж буй яриаг чангаруулах, цагаан чимээ үүсгэх, гар утасны үүргээр ашиглах зэрэг бидний чих хийж чадахгүй зүйлсийг хийж чадна.
Хью Херр, Эд Бойден, Канан Дагдевирен, Кевин Извилт, Роберт Лонгер, Жосеф Жекобсон зэрэг MIT-ийн эрдэмтэд хамтран “Бионик эрхтэний төв”-ийг байгуулжээ. Энэ төв хиймэл эрхтэний ойлголтыг үндсээр нь өөрчлөх юм.
Мэдээж хэрэг эхний зорилго нь хөгжлийн бэрхшээл гэдэг ойлголтыг үгүй болгох. Өвчний улмаас хоёр хөлөө тайруулсан Хью Херр энэ ажлыг ахлах бөгөөд түүнийг харсан хэн ч хоёр хиймэл хөлтэй гэж хэлэхээргүй аж.
Харин хэтийн зорилгын нэг хэсэг нь “Хоёр салаалах төв мэдрэлийн систем” бүтээх юм. Өвчтөний тархинд тусгай модуль суулгаж, тархины үйл ажиллагааг хянах бөгөөд сэтгэл гутралаас эхлээд Альзхеймер, Шизофренийг хүртэл эмчлэх аж.
Үүнээс өмнө мэдрэлтэй хиймэл эрхтэн бүтээнэ. Хиймэл эрхтэн зөвхөн хэвийн ажиллаад зогсохгүй яг л энгийн гар, хөл мэт мэдрэх юм. Хоёр дахь шатанд гэрэл, цахилгаан, шингэн метал ашиглан дижитал мэдрэлийн систем/DNS/ хөгжүүлнэ.
Харин энэ бүхнийг даваад гараад ирэхэд биднийг ямар ирээдүй угтах бол?
DNS-ийн хувьд синтетик дамжуулагчийн ачаар хүний хариу үйлдэл үзүүлэх хугацааг 50 миллисекундээр хурдлуулах боломжтой. Жишээлбэл хэрвээ хүн бууны сум хаашаа чиглэж буйг тооцоолж чаддаг байгаад тодорхой зайд байх юм бол сумнаас бултаж чадна гэсэн үг юм.
Гуравдугаарт энэ төв өөрөө нөхөн төлждөг хиймэл эрхтэн, биеийн хэсгүүдийг бүтээнэ. Ингэснээр хиймэл эд эрхтэн хүний яс, булчинтай нэгдэж, тархинаас шууд мэдээлэл хүлээн авах бөгөөд биеийн дулаанаар өөрийгөө цэнэглэх аж.
Яагаад ингээд зогсох ёстой гэж? Хиймэл эд, эрхтнүүд зарим нэг өвчнийг анагааж болно. Бүр цаашлаад хүний насжилтыг нэмж, өнөөдрийнхөөс ч хүнд нөхцөлд удаан амьдардаг болгож ч болох юм.
Мэдрэл судлаач Эд Бойден гэхэд үхэжсэн тархины хэсгийг орлуулах зориулалттай лабораторийн аргаар ургуулсан тархи бүтээхийг хүсэж байгаа. Ингэхээр тэд хиймэл эд эрхтэнийг хэвийн сайхан ажилладаг болгоод зогсохгүй хүний байгалиас заяаснаас илүү чадвартай болгох юм.
Мэдээж хэрэг энэ бүх төсөөлөл, таамаг, ирээдүйн зорилгод эдийн засаг, ёс суртахуун, улс төрийн гээд олон хүчин зүйл нөлөөлөх нь ойлгомжтой. Харин энэ бүхнийг даваад гараад ирэхэд биднийг ямар ирээдүй угтах бол?
Модон хөл, дэгээ гар, төмөр нударгаас эхлээд өнөөдөр ашиглаж байгаа ихэнх хуванцар хиймэл эрхтэн бидний байгалиас заяасан гар, хөлийг гүйцэхгүй. Хэн ч сайн дураараа хиймэл эрхтэнтэй болохыг хүсэхгүй.
Харин цаг хугацаа өнгөрөхийн хэрээр хиймэл эрхтэний ажиллагаа сайжирсаар. Тийм ч учраас зарим эд, эрхтэнийг хүний байгалиас заяасан гар, хөлнөөс илүү болгож эхэлжээ.
Жишээлбэл Phonak сонсголын аппарат гэхэд хүний сонсголыг сайжруулаад зогсохгүй, тодорхой цэгт өрнөж буй яриаг чангаруулах, цагаан чимээ үүсгэх, гар утасны үүргээр ашиглах зэрэг бидний чих хийж чадахгүй зүйлсийг хийж чадна.
Хью Херр, Эд Бойден, Канан Дагдевирен, Кевин Извилт, Роберт Лонгер, Жосеф Жекобсон зэрэг MIT-ийн эрдэмтэд хамтран “Бионик эрхтэний төв”-ийг байгуулжээ. Энэ төв хиймэл эрхтэний ойлголтыг үндсээр нь өөрчлөх юм.
Мэдээж хэрэг эхний зорилго нь хөгжлийн бэрхшээл гэдэг ойлголтыг үгүй болгох. Өвчний улмаас хоёр хөлөө тайруулсан Хью Херр энэ ажлыг ахлах бөгөөд түүнийг харсан хэн ч хоёр хиймэл хөлтэй гэж хэлэхээргүй аж.
Харин хэтийн зорилгын нэг хэсэг нь “Хоёр салаалах төв мэдрэлийн систем” бүтээх юм. Өвчтөний тархинд тусгай модуль суулгаж, тархины үйл ажиллагааг хянах бөгөөд сэтгэл гутралаас эхлээд Альзхеймер, Шизофренийг хүртэл эмчлэх аж.
Үүнээс өмнө мэдрэлтэй хиймэл эрхтэн бүтээнэ. Хиймэл эрхтэн зөвхөн хэвийн ажиллаад зогсохгүй яг л энгийн гар, хөл мэт мэдрэх юм. Хоёр дахь шатанд гэрэл, цахилгаан, шингэн метал ашиглан дижитал мэдрэлийн систем/DNS/ хөгжүүлнэ.
Харин энэ бүхнийг даваад гараад ирэхэд биднийг ямар ирээдүй угтах бол?
DNS-ийн хувьд синтетик дамжуулагчийн ачаар хүний хариу үйлдэл үзүүлэх хугацааг 50 миллисекундээр хурдлуулах боломжтой. Жишээлбэл хэрвээ хүн бууны сум хаашаа чиглэж буйг тооцоолж чаддаг байгаад тодорхой зайд байх юм бол сумнаас бултаж чадна гэсэн үг юм.
Гуравдугаарт энэ төв өөрөө нөхөн төлждөг хиймэл эрхтэн, биеийн хэсгүүдийг бүтээнэ. Ингэснээр хиймэл эд эрхтэн хүний яс, булчинтай нэгдэж, тархинаас шууд мэдээлэл хүлээн авах бөгөөд биеийн дулаанаар өөрийгөө цэнэглэх аж.
Яагаад ингээд зогсох ёстой гэж? Хиймэл эд, эрхтнүүд зарим нэг өвчнийг анагааж болно. Бүр цаашлаад хүний насжилтыг нэмж, өнөөдрийнхөөс ч хүнд нөхцөлд удаан амьдардаг болгож ч болох юм.
Мэдрэл судлаач Эд Бойден гэхэд үхэжсэн тархины хэсгийг орлуулах зориулалттай лабораторийн аргаар ургуулсан тархи бүтээхийг хүсэж байгаа. Ингэхээр тэд хиймэл эд эрхтэнийг хэвийн сайхан ажилладаг болгоод зогсохгүй хүний байгалиас заяаснаас илүү чадвартай болгох юм.
Мэдээж хэрэг энэ бүх төсөөлөл, таамаг, ирээдүйн зорилгод эдийн засаг, ёс суртахуун, улс төрийн гээд олон хүчин зүйл нөлөөлөх нь ойлгомжтой. Харин энэ бүхнийг даваад гараад ирэхэд биднийг ямар ирээдүй угтах бол?