Дэлхий даяар танилцуулга хийгдсэн цагаас эхлэн эрэлт их, хүлээлээх хугацаа урт байгаа Land Cruiser загварын нэгэн төлөөлөл болох LC250 загварын автомашиныг Таван Богд ХХК-ийн шоурүүмээс шууд худалдан авах боломжтой бөгөөд шинэ загварын тухай дэлгэрэнгүй мэдээллийг тус компанийн автомашин борлуулалтын албаны дарга Б.Дэмчигдоржоос тодрууллаа.

-Сайн байна уу? Танд юуны өмнө энэ өдрийн мэнд хүргэе. Шинэчлэгдсэн LC250 загварын автомашин өмнөх загвараасаа юугаараа онцлог вэ?
-LC250 нь овор хэмжээ илүү томорч, тэнхлэг хоорондын зайг нэмэгдсэн. Кузов болон рам нь өмнөх загвараасаа илүү дэвшилтэт технологи дээр суурилсан урагшаа 8 шатлалт хурдны хайрцагтай. Тус автомашин нь загварын хувьд бүрэн шинэчлэгдэснээс гадна өнгөний шинэ сонголтуудтай болсон.

Хөдөлгүүрийн хувьд 2.4L single turbo бүхий бензин хөдөлгүүр мөн 2.8L single turbо дизель хөдөлгүүртэй. Автомашины бүх гэрэл LED болсноор илүү тод болж насжилт нь уртассан ба цахилгаан рулийн аппараттай болсноор жолоодлого илүү хөнгөн, тав тухай мэдрэмжийг жолоочид төрүүлэхүйц болсон. LC250 автомашин нь 5 төрлийн замын сонголттой MTS, DAC/Crawl зэрэг системүүдээс гадна төвийн болон хойд тэнхлэгийн диффренцал цоожлогч мөн Stabilizer with Disconnection Mechanism SDM тоноглолтой болсноор адал явдал эрэлхийлэгчдэд төгс зохицсон off-road замын автомашин болж чадсан юм.

-Автомашины хөдөлгүүрийн хувьд дизель болон бензин загвар юугаараа ялгаатай байдаг вэ?
-Дизель хөдөлгүүр ямар ч нөхцөлд бензин хөдөлгүүрээ бодвол илүү хүчтэй байдаг ба түлш зарцуулалт харьцангуй бага байдаг.

-Хүмүүс бензин хөдөлгүүртэй автомашиныг сонгох нь элбэг байдаг. Дизель хөдөлгүүрийг давуу тал юу вэ?
-Ерөнхийдөө дизель хөдөлгүүртэй автомашин унадаг байсан харилцагчдын багагүй хувь нь  дахин дизель хөдөлгүүртэй автомашин сонгодог. Хөдөө гадаа их явдаг, уул уурхайд ажилладаг, газар тариалан эрхэлдэг хүмүүс мөн дизель хөдөлгүүртэй автомашиныг сонгох нь элбэг байдаг. Манайх шиг асар өргөн уудам нутагтай, алслагдсан хот суурингуудтай улсад бензинийг бодвол дизель түлш хөдөө орон нутагт олдоц илүү байдаг. Land Cruiser 250 дизель автомашин нь бартаат замын жолоодогод төгс зохицсон тул Фүжи уулыг бэлгэдэн дээвэр хэсэг нь цайвар өнгөтэй. Дизель загвар нь 3-р эгнээний суудалгүй тул арын хэсэг бензин загвараасаа илүү зайтай. Мөн тус загварын 1GD-FTV хөдөлгүүр нь өмнө нь Land Cruiser Prado 150 загварт байсан бөгөөд Монголын нөхцөлд шалгарсан, асалт хурдан, эвдрэл багатай, түлш голохгүй гэх мэт давуу талуудтай маш сайн хөдөлгүүртэй.

-Яг одоо Таван Богд ХХК-c Land Cruiser Prado 250 автомашиныг худалдан авахад ямар нөхцөлтэй байгаа вэ, агуулахаас бэлэн борлуулж байгаа юу?
-Агуулахаас Land Cruiser 250 diesel автомашиныг өнгөний сонголттойгоор борлуулж байна. Үнийн хувьд 227.7 сая төгрөгөөр ямар нэгэн дэнчингүй бэлэн борлуулж байна.

-Таван Богд ХХК-с автомашин худалдан авахад ямар давуу талтай вэ?
-2013 оноос хойш өнөөдрийн байдлаар бид Toyota-н 14,000 орчим автомашиныг Монголын зах зээлд албан ёсоор нийлүүлээд байгаа. Таван Богд ХХК нь харилцагчдаа захиалгыг нь зөвхөн хүлээлгэж өгөөд зогсохгүй борлуулалтын дараах үйлчилгээнд тогтмол онцгой анхаарсаар байдаг. Олон улсад аливаа дилерийн чадамжийг тодорхойлох голлох үзүүлэлтүүд нь тухайн дилерийн туршлага, борлуулалтын дараах үйлчилгээ, сэлбэгийн бэлэн байдал зэргээр хэмжигддэг.

Тухайлбал манай Засвар Үйлчилгээний Алба нь Япон, Америк, Франц, Финланд, Герман, Хятад, Швейцар, Орос, Солонгос, Тайвань зэрэг улс орнуудад үйлдвэрлэгдсэн бүх төрлийн багаж, хэрэгсэл, тоног төхөөрөмж ашиглан нэгэн зэрэг 22 ш автомашинд үйлчилгээ үзүүлэх чадамжтай бөгөөд өдөрт дунджаар 100 ш, сард 3,000 ш автомашинд засвар үйлчилгээг үзүүлэх бүрэн хүчин чадалтай. Бид 2013 оноос хойш 227,104 ш автомашинд засвар үйлчилгээг амжилттай үзүүлсэн байна.  Мөн харилцагч автомашинаа шинэчлэхийг хүсвэл бид дугаартай автомашиныг нь Toyota-Q үйлчилгээгээр дараагийн эзэмшигчид зах зээлийн үнээр, хурдан шуурхай зуучлан борлуулах үйлчилгээг санал болгодог.