Төр, нийгмийн зүтгэлтэн Санжаасүрэнгийн Зориг 1962 оны дөрөвдүгээр сарын 20-нд мэндэлсэн билээ. Хэрэв тэр өдгөө амьд сэрүүн байсан бол 63 настай байх байсан. 

Түүний дурсгалыг хүндэтгэж, цэцэг өргөхөөр ирсэн Иргэний Зориг Ногоон намы дарга Б.Батбаатар "Бид С.Зоригийн үлдээсэн үзэл санааг тээн явах болно. Монголын ард түмэнд өнөөдөр цөөнхийн сөрөг хүчний үүрэг гүйцэтгэх улс төрийн хүчин байхгүй байна. УИХ-д 118 гишүүнтэй том бүлэг үүссэн байна. Дэмжиж болох зүйлс бий ч дэмжихийн аргагүй үйл явц ч байна. Тиймээс энэ бүгдийн эсрэг ИЗНН тууштай зогсож, ард иргэдийн эрх чөлөө, улс орны тусгаар тогтнол, арчдчилалын амин сүнсний төлөө ажиллах болно гэдгийг С.Зориг агсны төрсөн өдрөөр, хөшөөнийх нь өмнө илэрхийлмээр байна. 

С.Зориг өөд болсноос хойш Монголын ардчилал бөхөж алга болсон. Монголд ардчилал яг бодитоор хэрэгжиж байна уу гэдэг нь эргэлзээтэй. Түүнийг хөнөөсөн хэргийн үнэнийг Монголын ард түмэн мэдэх цаг нь ирсэн,  илрүүлэхийн төлөө бид тууштай ажиллах болно" гэсэн юм.