“Автомат Робот 2025” тэмцээн өнгөрсөн амралтын өдрүүдэд (2025.04.19-20) ШУТИС-ийн Мэдээлэл Холбооны, Технологийн сургуульд боллоо.



Оюутан залуус, хүүхэд багачуудын зохион бүтээх авьяас чадвар, техник сэтгэлгээг хөгжүүлэх, чөлөөт цагийг зөв боловсон өнгөрүүлэх, бие даан суралцахуйг дэмжих зорилготой энэ тэмцээнд:

• Дрон
• Микромауз
• Тойрог зам буюу робот рейс
• Шулуун замын уралдаан (ЕБС болон их, дээд сургууль)
• Шоо цуглуулах робот (ЕБС) гэсэн таван төрөлд хот, хөдөөгийн 50 багийн 70 орчим тамирчид ур ухаанаа уралдуулан оролцлоо.

Мэдээлэл, Холбооны Технологийн Сургууль /МХТС/-ийн Электроникийн салбарын  “High Tech” сайн дурын клубын оюутнууд цагаан зурааст замаар уралддаг роботын тэмцээнийг 2009 оноос зохион байгуулж эхэлсэн бөгөөд 2014 оноос хүрээгээ тэлж, Тойрог зам,  Шулуун замын уралдаан 2023 оноос дроны төрлүүдийг нэмж оюутан, сурагч гэсэн ангиллаар зохион байгуулсаар байна.

Энэ удаагийн дроны тэмцээнийг “I’m World Mongolia” ЭсЖиЖи Прэнд ХХК ивээн тэтгэж тэргүүн, дэд, гутгаар байр эзэлсэн багуудад програмчлагддаг дронууд гардууллаа.

Робот Рейс уралдаанд найман баг өрсөлдсөнөөс:

• Мэдээлэл холбоо технологийн сургуулийн Т.Баатархүү ахлагчтай “MNBot” баг тэргүүн байр
• Шинэ Монгол технологийн сургуулийн  Т.Энхсайхан ахлагчтай “Electro” баг дэд байр
• Ц.Баасандорж ахлагчтай баг гуравдугаар байрыг тус тус эзэллээ.

Дроны  уралдаанд 15 баг өрсөлдсөнөөс:

• ЕБС 11-р сургуулийн Батбаяр ахлагчтай  “HAWK” баг тэргүүн байр
• Сэлбэ сургуулийн Г.Сайнцаг ахлагчтай Б.Тэнгис гишүүнтэй  “Сэлбэ” баг дэд байр
• Ulaanbaatar Empathy сургуулийн А.Соджаргал  ахлагчтай “PRO” баг  гуравдугаар байрыг тус тус эзэллээ.

Микромауз төрөлд таван баг оролцсоноос:

• МХТС-ийн Энхзаяа ахлагчтай “Зүтгэл” баг тэргүүн байр
• МХТС-ийн С.Оюунгэрэл ахлагчтай “High tech 1” баг дэд байр
• МХТС-ийн Т.Төгс-Эрдэнэ ахлагчтай “High tech 2” баг гуравдугаар байрыг тус  тус эзэллээ.

Шулуун замын тэмцээнд ЕБС болон их, дээд сургуулийн ангилалд нийт 19 баг өрсөлдсөнөөс:

Ерөнхий боловсролын сурагчийн ангилалд

• 11-р сургуулийн Б.Оюун ахлагчтай “HAWKS” баг тэргүүн байр
• Орчлон сургуулийн А.Ихбаяр ахлагчтай “Орчлон 3” баг дэд байр
• Шинэ санаа инноваци сургуулийн Д.Жавхлантөгс ахлагчтай “Жавхаа” баг гуравдугаар байрыг тус тус эзэллээ.

Их, дээд сургуулийн ангилалд

• Шинэ Монгол технологийн сургуулийн Т.Энхсайхан ахлагчтай “Electro” баг тэргүүн байр
• ШУТИС-ГУУС-ийн А.Эгшиглэн ахлагчтай “Idea” баг дэд байр
• ШУТИС-ийн Мэдээлэл Холбооны Технелогийн Сургуулийн Б.Зэлмэ ахлагчтай “Мөрөөдөл” баг гуравдугаар байрыг тус тус эзэллээ.

Шоо цуглуулах тэмцээнд 11 баг өрсөлдсөнөөс:

• 44-р сургуулийн Э.Энх-учрал ахлагчтай “Speed mind” баг тэргүүн байр
• Төв аймгийн Батсүмбэрийн ЕБС-ийн Ж.Жандаулет ахлагчтай Билэгжаргал, Марат гишүүнтэй “Хүй мандал” баг дэд байр
• Орхон Хасу сургуулийн Х.Билгүүнтөгс ахлагчтай “Enforcer” баг гуравдугаар байрыг тус тус эзэлсэн байна.