Украины Донецк, Луганск мужийн иргэд 2014 оны тавдугаар сард бүх нийтийн санал асуулга явуулж, нийтээрээ тусгаар тогтнохыг дэмжсэнээр Донецкийн бүгд найрамдах улсыг тунхагласан билээ.

Тэгвэл Донецкийн БНУ өөрийн гэсэн паспорттай болсон бөгөөд Донецкийн БНУ-ын иргэн гэсэн паспортыг өчигдөр 20 хүнд гардуулан өгсөн байна.

Түүнчлэн Луганскийн иргэд ирэх тавдугаар сард мөн адил ийм шинэ бичиг баримттай болох гэнэ.

Өөрсдийгөө бүгд най­рамдах улс хэмээн тунхаг­ласан Оросын талыг ба­римтлагч эдгээр мужуудын тусгаар тогтнолыг дэлхийн аль ч улсад хүлээн зөвшөөрөөгүй байгаа юм.

НҮБ-аас мэдээлж буйгаар Донецк болон Луганскийн бүгд найрамдах улсын хяналтад буй бүс нутагт 2.7 сая хүн амьдарч байгаа аж. Тэдний ихэнх нь Украины иргэд юм.

Эх сурвалж: ВВС