Нийслэлийн Прокурорын газраас ирүүлсэн саналын дагуу яллагдагч О.Мөнхжинд Монгол Улсын хилээр гарахыг хязгаарлах таслан сэргийлэх арга хэмжээг аваад байсан. Үүнийг өөрчилж, цагдан хорих таслан сэргийлэх арга хэмжээ авахуулах тухай саналыг прокуророос өнөөдөр /2023.02.14/ ирүүлсэн. Уг саналыг шүүх хуралдаанаар хянан хэлэлцлээ.

Саналыг хянаж үзэхэд яллагдагч О.Мөнхжинд эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1.3 дахь хэсэгт заасан “гэмт хэрэг үйлдэж болзошгүй үндэслэл бүхий баримт, мэдээлэл байгаа” гэдэг үндэслэл хэргийн нотлох баримтуудаар тогтоогдов.

Иймд яллагдагч О.Мөнхжинд энэ сарын 06-ны өдөр авсан Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг өөрчилж, энэ сарын 14-ны өдрөөс эхлэн 1 сарын хугацаагаар цагдан хорих таслан сэргийлэх арга хэмжээ авч шийдвэрлэв.

Тойм бэлтгэсэн: Сүхбаатар дүүргийн Эрүүгийн хэргийн анхан шатны шүүхийн шүүгч Б.Отгонцэцэг.