Дэлхийн түүхэд есдүгээр сарын 07-д болсон онцлох гурван үйл явдлыг танилцуулъя.

1714 оны есдүгээр сарын 07. Испанийн өв залгамжлалын дайн дуусав

18-р зууны эхээр эхэлсэн Испанийн өв залгамжлалын дайныг дуусгаж 1714 оны есдүгээр сарын 07-д Бадений гэрээг байгуулжээ. Гэрээг Швейцарт байгуулахад Франц, Ромын эзэнт гүрний төлөөллүүд гарын үсэг зурсан. Дайны зарим фронт Каталон болон Маяоркад үргэлжилж байсан ба 1715 оны хоёрдугаар сард албан ёсоор дууссан байна.

1812 оны есдүгээр сарын 07. Наполеон Бородиногийн тулаанд ялж Москваг эзлэв

Бородиногийн тулаан 1812 оны есдүгээр сарын 7-д Наполеоны Орос руу чиглэсэн аян дайны үеэр тохиосон. Францын Их Арми, Оросын эзэн хааны армийн эсрэг Москва хотоос баруун зүгт 110 км зайд орших Бородино тосгоны ойролцоо тулалдсан бөгөөд тоогоор цөөн Францууд ялж Москва хотыг эзэлсэн байна.

1901 оны есдүгээр сарын 7. Хятадын тариачдын бослогыг дарав

Хятад дахь тариачид колоничлол, Христийн шашны урсгал, гадаадын иргэдийг эсэргүүцэн 1899 оноос бослого эхлүүлсэн. Гурван жил үргэлжилсэн бослогод Хятадын 300 мянган хүн оролцсон бөгөөд Их Британи, Япон, Орос тэргүүтэй орны цэргүүд 1901 оны есдүгээр сарын 7-д бослогыг дарж дууссан байна. Ихэтуанийн бослого гэх уг мөргөлдөөнийг Англиар "Boxer rebellion" хэмээдэг нь бослогод оролцсон Хятад тариачдын ихэнх нь уламжлалт тулааны урлагаар хичээллэдэг, түүнийг нь Хятадын бокс гэж нэрлэдэг байсантай холбоотой аж.