АНУ-ын Жоржиа мужид цагдаагийн машин хулгайлан зугтсан этгээд жолоодлогоо алдаж, галт тэрэгний зам руу онхолджээ. Машин хулгайлсан этгээдийн араас цагдаагийн алба хаагчид хөөж байсан бөгөөд галт тэрэг ирж, машиныг мөргөхөөс хэдхэн хормын өмнө осолдсон машинаас жолоочийг гаргасан байна.

Атланта хотын цагдаагийн хэлтсээс мэдээлснээр тухайн жолоочийг хулгайн гэмт хэрэг үйлдэж зугтсан, замын хөдөлгөөний аюулгүй байдлыг хангаж жолоодоогүй, бусдад саад учруулсан, хотын өмчид хохирол учруулсан хэрэгт буруутгаж буй аж.

Эх сурвалж: CNN