"КОВИД-19 ба улиас модны хөвөн" сэдвээр АӨСҮТ-ийн Харшлын лабораторийн эрхлэгч, биологийн ШУ-ны доктор Б.Сангидорж мэдээлэл өгч байна.

Улиас модны хөвөн нь ургамлын үр юм. Эр, эм улиас гэж бий. Эр цэцэгтэй ургамлыг эр улиас гэнэ. Нахиа задрахаас өмнөх улаан хүрэн өнгийн молцог баг цэцгүүдтэй мод эр улиас юм. Харин нахиа задарч навчилсны дараа үрэлдэг, ногоон өнгийн молцог бүхий мод нь эм улиас юм. Эм улиас нь хөвөнг үүсгэдэг.

Улиас модны ач тус:

• Хүчилтөрөгч ихээр ялгаруулдаг
• 100 гаруй жил насалдаг
• Хурдан ургадаг
• Ашигтай үнэрт бодис ялгаруулдаг
• Агаарын бохирдлыг багасгадаг
• Дуу чимээг намасгадаг

Улиасны унгирал COVID-19-ийн халдвар тархах нэг нөхцөл болж болзошгүй тул унгирлыг тархаахгүй байх, хязгаарлах шаардлагатай. Үүнд: 
-Улиасыг хэлбэржүүлэх
-Тоос хүртээхгүйн тулд эр цэцгийг тайрах
-Даралттай усаар модыг шүршиж, хөвөнг устгах