Органик хүнсний хэрэглээ дэлхий дахинд урьд өмнө байгаагүйгээр эрчимтэй нэмэгдэж, хүмүүс зөвхөн ходоодоо бус, эрүүл мэнд, амьдралын чанараа чухалчилсан сонголт хийдэг болсон. Энэ чиг хандлага улам өргөжин тэлж буй өнөө үед Монголын брэнд “Лапша” гоймон олон улсын зах зээлд эрэлттэй, үнэ цэнтэй бүтээгдэхүүн болон тодорч байна.

Ялангуяа Хятадын хэрэглэгчид, тэр дундаа Өвөрмонголчууд WeChat, Douyin зэрэг олон нийтийн сүлжээгээр дамжуулан Монголын органик гаралтай хүнс, тэр дундаа “Лапша” гоймонг идэвхтэй эрж хайж, хэрэглэх нь энгийн үзэгдэл болжээ.

/Тэдний дунд “Монгол Лапшаг хаанаас авч болох вэ?” гэсэн зурган постууд ч цөөнгүй нийтлэгдэж байна./

Энэхүү сонирхол, эрэлт юунаас үүдэлтэй вэ?

Хятадын нийгмийн онцлог ба хүнсний аюулгүй байдал
Хятадад олон арван жилийн турш нэг хүүхдийн бодлого хэрэгжсэн нь “ганц хүүхэд”-ийн эргэн тойронд нийт зургаан насанд хүрсэн хүн (аав, ээж, өвөө, эмээ, тэдний эцэг эх г.м.) халамж тавих нөхцөлийг бүрдүүлсэн. Ийм учраас гэр бүлийнхэн нь ганц хүүхдэдээ хамгийн аюулгүй, эрүүл, байгалийн гаралтай хүнсийг сонгохыг эрмэлздэг. Тэд байгальд ээлтэй, химийн нэмэлтгүй, цэвэр бүтээгдэхүүнд илүү итгэдэг болсон нь “Лапша” гоймонг онцгой сонирхох шалтгаан болжээ.

Байгаль нь бохирдоогүй, хөрс нь химийн бордоогүй, тариа нь ямар ч нэмэлт бодисгүй — энэ бүх үзүүлэлт Лапша гоймонгийн нэр хүндийг улам бүр нэмэгдүүлж, Хятад болон Өвөрмонгол хэрэглэгчдийн хувьд “Үнэт брэнд” болж байна.

Хятад болон Өвөрмонголын зах зээлд Лапша гоймонгийн эрэлт тогтмол өссөөр байна.

WeChat, Douyin зэрэг платформ дээр хэрэглэгчид өдөр бүр “Лапша” гоймонг эрэлхийлж, мэдээлэл солилцож байна. Тэдний хувьд энэ бол зүгээр нэг гоймон биш — гэр бүл тэр дундаа хүүхдийнхээ ирээдүйн эрүүл мэндэд зориулсан бодит хөрөнгө оруулалт юм.

“Лапша” гоймон нь Монголын эрүүл хөрсөнд ургасан улаанбуудайн түүхий эдээр хийгдсэн бөгөөд дараах давуу талтай:

• Химийн бордоогүй хөрсөнд ургасан түүхий эд
• Хадгалалтын хугацаа сунгах химийн бодисгүй
• Өнгө, амт оруулагч ашиглаагүй
• Элковитоор баяжуулсан (2012 оноос эхлэн)
• Роботжсон технологи бүхий бүрэн автомат үйлдвэрт үйлдвэрлэгддэг

Роботжсон технологи бүхий бүрэн автомат хоногт 100 тонн, жилд 35,000 тонн бүтээгдэхүүн үйлдвэрлэх хүчин чадалтай Монголын хамгийн том гоймонгийн үйлдвэрт үйлдвэрлэгддэг “Лапша” гоймонг зөвхөн Хятад, Өвөрмонгол төдийгүй олон улсын хэрэглэгчдийн шаардлагад бүрэн нийцэж, Монгол Улсын хүнсний экспортын салбарт үнэтэй хувь нэмэр оруулах стратегийн бүтээгдэхүүн болж дэлхийн зах зээлд үнэ цэн нь улам бүр өссөөр байна.