Английн өмнөд эрэгт байрлах Уайт арал дахь амралтын газарт бага оврын нисэх онгоц осолджээ. Тус онгоцонд байсан хоёр зорчигч бага зэргийн гэмтэл авсан ч эсэн мэнд гарчээ.

Тодруулбал, Ослын газар байсан гэрчүүдийн хэлснээр онгоц гэнэт хүчгүйдэн, газарт шууд унасан бөгөөд тухайн үед амарч байсан жуулчид зорчигчдыг аврах гэж тусалжээ. Зорчигчид яаралтай түргэн тусламж ирэхээс өмнө анхны тусламж авсан байна. Хоёр зорчигчийг аюулгүй гарсны дараа онгоц галд автжээ.

Гэрч болох Тина хэмээх оршин суугчийн хэлснээр, онгоц түүний байшингийн дээврийг шүргэж, онгоцны зарим хэсэг хашаа руу нь унажээ. Тэрээр энэ явдлыг үнэхээр аймшигтай байсан ч зорчигчид эсэн мэнд гарсанд талархаж буйгаа илэрхийлсэн байна.

Гал болон аврах албанаас мэдээлснээр, хоёр зорчигчийг газар дээр нь үзлэгт хамруулсан ч эмнэлэгт хэвтүүлэх шаардлага гараагүй аж.

Эх сурвалж: People