Чех 60 жилийн турш ОХУ-аас газрын тос импортолжээ. Тус улс  Баруун  TAL хэмээх газрын тосны хоолойг барьж дуусгаснаар Оросоос хамааралгүй болсноо энэ сарын 17-нд зарласан байна.

Тэд Италийн Триэстээс газрын тос хүлээн авч эхэлжээ. Энэ тосыг чехийн Литвинов газрын тос боловсруулах үйлдвэрт хүргэж, эцсийн бүтээгдэхүүн үйлдвэрлэнэ.      

Чехийн Ерөнхий сайд Петр Фиала өнгөрсөн долоо хоногт “Бид эрчим хүчний хараат байдлаас гарах чухал алхмыг хийлээ. Газрын тосны  хоолойг өргөтгөснөөр бид жилд 8 сая тонн түүхий тос хүлээн авах хүчин чадалтай боллоо. Энэ нь дотоодын газрын тосны үйлдвэрүүдийг бүрэн хангана” гэжээ. Тус улсын газрын тос дамжуулах хоолойг төрийн өмчит компани эзэмших юм байна.     

Чехийн Засгийн газар 2022 онд буюу ОХУ Украин руу дайрсны дараа Транс Альпын хоолой төслийг хэрэгжүүлэхээ мэдэгджээ. Үүний үр дүнд Италийг Төв Европтой холбосон, газрын тосны хоолойг барьсан байна. Хоолой барих ажил 2024 оны тавдугаар сард эхэлжээ. Чехийн Сангийн сайд Станжура “Газрын тосны хараат бус байдалд хүрэхийн тулд бид нийт 1.6 тэрбум чех крон зарцууллаа. Энэ зардлыг газрын тосны боловсруулах үйлдвэрүүд нөхнө” гэжээ.

Чех эрчим  хүчний дэд бүтэцдээ томоохон хөрөнгө оруулж, ЗХУ-ын үед байгуулсан, Дружба хоолойг ашиглахааргүй болж байна. Иймд тус улсын хэвлэлүүд энэ талаар мэдээлэхдээ “Баяртай Дружба” хэмээн гарчиглажээ.  

Эх сурвалж: Prague morning