ЭМЯ-наас сэтгэцийн эрүүл мэндийн өдөрт зориулсан хэвлэлийн бага хурал хийлээ.  

Сэтгэцийн эрүүл мэндийг хамгаалах дэлхийн өдөр өнөөдөр тохиож байна. Энэ өдрийг дэлхий нийтээр ажлын байранд дахь сэтгэцийн эрүүл мэнд сэдвийн хүрээнд тэмдэглэж байна.

ЭМЯ-ны Газрын дарга Л.Баттөр, Ажил олгогчид ажлын байрны аюулгүй орчин бүрдүүлж, сэтгэцийн эрүүл мэндэд анхаарал хандуулснаараа бүтээмжтэй ажиллах, үйлчлүүлэгчид сэтгэл ханамжтай байх нөхцөлийг бүрдүүлнэ.

Ажил олгогчдын хувьд ажилтныхаа аюулгүй байдал, хөдөлмөрийн аюулгүй орчин, сэтгэцийн эрүүл мэндэд түлхүү анхаарснаар ажилтнуудын гэр бүл, мөн үйлчлүүлэгчдийн аюулгүй байдлыг хангах, сэтгэл ханамжтай үйлчлүүлэх боломжийг бүрдүүлдэг. Энэ бүх ажил олгогчдын манлайлал, байгууллагын соёлоос хамаардаг. Тиймээс ажилтныхаа сэтгэл ханамжид байнга үнэлгээ өгч, аюулгүй орчин бүрдүүлж, сэтгэцийн эрүүл мэндэд анхаарал хандуулах нь нэн тэргүүний ажил юм.

Сэтгэцийн эрүүл мэндийн тодорхой судалгаа, үнэлгээ хийсэн. 6 болон 14 настай хүүхдүүдийн сэтгэцийн эрүүл мэндийн үнэлэхэд судалгаанд хамрагдсан 3 хүүхэд тутмын нэг нь сэтгэцийн тулгамдсан асуудалтай гэсэн дүгнэлт  гарсан. Монгол Улсын нас баралтын тэргүүлэх гурван шалтгаанд зүрх судасны өвчин, хавдар, гаднын шалтгаант буюу осол гэмтэл, амиа хорлолт ордог.

СЭМҮТ-ийн ерөнхий захирал Ө.Анхболд, ДЭМБ-ын 2022 оны судалгаагаар найман хүн тутмын нэг нь сэтгэцийн ямар нэг тулгамдсан асуудалтай. Дэлхий даяар 970 сая хүн сэтгэц болон зан үйлийн эмгэгээр шаналж байна. Үүний 82 хувь нь бага, дунд орлоготой орны иргэд байна гэсэн судалгаа гарсан.

Монгол Улсад 2013-2019 онд хийсэн судалгаагаар:

• Сэтгэл түгших эмгэг 18.4 хувь
• Органик бус нойрны эмгэг 17.5 хувь
• Архаг ядаргаа 16 хувь
• Тайлбарлаж боломгүй биеийн эмгэг 11.9 хувьтай байна гэсэн дүн гарсан.

Ялангуяа Улаанбаатар хотод стрессийн гаралтай сэтгэцийн эмгэг өндөр хувьтай гарсан. Хүн ажлын байрандаа ихэнх цагийг өнгөрүүлдэг. Ажиллах орчныг сайжруулах, ажлын байран дахь сэтгэцийн эрүүл мэндийг дэмжих нь маш чухал асуудал болоод байна.