Гэр бүлийн гишүүн бүр үзэхэд тохиромжтой, гадаад, дотоодын кино контентуудыг хүссэн газраасаа, дурын төхөөрөмжөөсөө үзэх боломжтой VOO үйлчилгээ шинэчлэгдсэнийг танилцуулах өдөрлөг 4-р сарын 3-нд Мобикомын Тэди төвийн нэг давхарт боллоо.

"Мобиком" Корпорацийн Гүйцэтгэх Захирал Кожи Курушима хэлэхдээ “Өнөөдөр Mobinet компанийн хувьд маш онцгой өдөр тохиож байна. Сүүлийн 5 жилийн хугацаанд бид VOO платформоор хэрэглэгчдэдээ телевиз, видео стриминг үйлчилгээг үзүүлж ирсэн бөгөөд гар утас болон өрхийн интернэтээр дамжуулан энтертайнмент боломжуудыг олгохоор хичээж ирсэн. Гэвч бид мэдээллийн технологийн компанийн хувьд хэрэглэгчдэдээ, тэр дундаа Монголын айл өрхүүдэд үүнээс ч илүү үйлчилгээг үзүүлэх боломжтой гэж үзэж байгаа. 

Интернэт болон энтертайнмент үйлчилгээнээс гадна, тэдгээр аливаа зүйлийг зайнаас хянах болон удирдахыг хүссэн хүссэн хүмүүст зориулан бусад улс оронд түгээмэл болоод буй өрхийн хэрэгцээний шинэлэг шийдлүүдийг Мобинет компани хэрэглэгчдэдээ танилцуулахыг зорьж байгаа юм. Үүнтэй холбоотойгоор бид rebranding хийж “VOO Home” болгон шинэчилж байна. 

Юуны өмнө, бид ус алдалт мэдрэгч, утаа мэдрэгч, хяналтын камер зэрэг хэд хэдэн төхөөрөмжийг санал болгож байгаа. Эдгээр төхөөрөмжүүдээр дамжуулан аливаа асуудал гарах үед хянах боломжтой болох мөн дохиолол дугарч мэдэгдэх үүрэгтэй. Мэдээж үүгээр зогсохгүй бид цаашид мэдээллийн технологийн давуу талыг ашиглан хэрэглэгчдэдээ гэртээ тав тухтай амьдрахад нь туслах илүү олон боломж, шийдлүүдийг бий болгоно гэж найдаж байна” хэмээсэн юм.

СОНГОСОН ҮЙЛЧИЛГЭЭНИЙ ТООНООС ХАМААРЧ САРЫН СУУРЬ ХУРААМЖААС 3-28 ХУВИЙН ХӨНГӨЛӨЛТ ЭДЛЭХ БОЛОМЖТОЙ

VOO өрхийн үйлчилгээ шинэчлэгдсэнээр,  

• "VOO" тв суваг кино, контентын стрийминг үйлчилгээ
• "Mobinet" хамгийн хурдан өрхийн интернэт
• "MNP75" интернэт дугаар
• "Интернэт" үйлчилгээнүүдээс өөрийн хэрэглээнд тохируулан сонгоорой. Та хэдэн үйлчилгээ сонгосноос хамаарч сарын суурь хураамжаа 3-28% хүртэл хөнгөлөх  гэх мэт олон боломжууд нээгдэж байгаа юм.

Мөн өдөрлөгт “MC Collection” хамтлаг ая дуугаа өргөсөн юм. Тус хамтлагийн тухайд VOO Originals сангийн бүтээл болох “Амьдрал” олон ангит киноны албан ёсны дууг дуулсан билээ.

"МОБИНЕТ КОМПАНИ VOO ҮЙЛЧИЛГЭЭГ ЗАХ ЗЭЭЛД НЭВТРҮҮЛСНИЙ 5 ЖИЛИЙН ОЙ ТОХИОЖ БАЙНА"

Мөн үеэр “Мобинет" ХХК-ийн Гүйцэтгэх Захирал Ц.Идэрмөнх  сэтгэгдэлээ хуваалцсан юм. Тэрбээр “Энэ 5 жилийн ойгоо угтаад өнөөдөр шинээр нэвтрүүлж байгаа,  удахгүй нэвтрүүлэх мөн өнгөрсөн хугацаанд нэвтрүүлсэн үйлчилгээнүүдээ танилцуулах VOO HOME өдөрлөгөө зохион байгуулж байна. Өнөөдрийн бидний шинээр зах зээлд нэвтрүүлж байгаа үйлчилгээ маань өрхийн энтертайнмент юм. Хэрэглэгчид, ард иргэд маань кино театрт кино үзэхээс илүүтэй гэртээ гэр бүлээрээ халуун дулаан уур амьсгалд кино контент үзэхийг илүү чухалчилдаг болсон. Үүнтэй уялдуулаад маш гоё dolby дуугаралтай гэрийн театр /home theatre/ дээрээс нь микрофонтой тул гэртээ караоке дуулах гээд бүх төрлийн энтертайнмент үйлчилгээг авах боломж бүрдэж байна. 

Түүнээс гадна хэрэглэгчид маань кино контентыг нүдний шилэн дээрээ үзэх боломжтой үйлчилгээг мөн өнөөдөр  танилцуулж байна. Цаашлаад бид гэрийн тоног төхөөрөмжүүдийг тун удахгүй танилцуулна. Энэ маань мэдээллийн аюулгүй байдал буюу хэрэглэгч өөрийнхөө гэрийг камераар хянах боломжтой ухаалаг мэдээллийн аюулгүй байдлын хяналт юм. Мөн гэрийнхээ агаарын чанарыг шалгадаг ухаалаг мэдрэгч байна гэх мэтчилэн ер нь гэрт байж болох бүх төрлийн ухаалаг тоног төхөөрөмжийн үйлчилгээг нэвтрүүлэхээр төлөвлөөд байна. 

Хэрэглэгчид маань заавал зааланд ирж гэрээ байгуулах шаардлагагүйгээр өөрөө гар утаснаасаа, компьютер дээрээсээ бүх үйлчилгээг захиалаад авах боломжтойгоороо бас давуу талтай болж байна. Хэрэглэгч өөрийнхөө хүссэн багцаа бүрдүүлээд түүн дээрээ хөнгөлөлт авах боломжтой болсон. Гэр бүлийн үйлчилгээн дээрээ нэмээд бид гэрийнхээ удирдлага болон телевизороосоо өөрийнхөө гэрт байгаа бүх төхөөрөмжүүдийг удирдах боломжтой болсон. "Smart home" үйлчилгээгээ бид тун удахгүй зах зээлд нэвтрүүлэхээр бэлдэж байна. Өнөөдрийг хүртэл бидэнтэй хамт 5 жил байсан үзэгчдэдээ баярлалаа. Цаашдаа бид та бүхнийг уйдаахгүй, хамгийн чанартай контент болон гэр бүлийн бусад бүх технологийн шийдлүүдийг хүргэхээр ажиллаж байна” гэлээ.