Гүржийн ГХЯ "ОХУ-ын Элчин сайдын яаманд "өнөөдөр зохих нот бичиг өгсөн" гэж мэдээнд тэмдэглэсэн байна. "Өчигдөр өглөө Гүржийн Ерөнхийлөгчийн гарын үсэг зурсан тушаалын дагуу Засгийн газрын цэрэг Цхинвалийн бүс нутагт буудахаа зогсоолоо" гэж баримт бичигт өгүүлжээ.

"Өчигдөр өглөө Гүржийн цэргийн ангиуд Өмнөд Осетийн мөргөлдөөний бүсээс бүрэн гарч, Гүржийн тал Цхинвали хотоос урагш хүмүүнлэгийн зурвас зам нээж, мөргөлдөөний бүсээс гарах боломжийг энгийн оршин суугчид болон шархдагсдад олголоо" гэж баримт бичигт тэмдэглэжээ.

Я.Сүхбаатар

Нот бичиг авсныг Оросын тал нотлов
Хэлэлцээ хийх бодолтой байгаа тухай Гүржийн талын нот бичгийг авснаа ОХУ-ын ГХЯ нотложээ. Тус яамнаас өчигдөр ингэж мэдээлэв.

"Хэлэлцээ хийхэд бэлэн байгаа тухай нот бичгийг Гүржид суугаа Оросын ЭСЯ-нд өгснийг бид нотолж байна. Гэвч Гүржийн цэрэг Өмнөд Осетийн нутагт байсаар байгаагийн сацуу, байлдааны ажиллагаа үргэлжилж буйг энхийг сахиулагчдаас ирж байгаа мэдээ нотолж байна. Энэ бүх мэдээг шалгах хэрэгтэй" гэж Оросын ГХЯ онцлон тэмдэглэжээ.

Я.Сүхбаатар