Герман улсын Баварын ханхүү Карл гэргийн хамт Монгол улсад айлчлан ирлээ.

Ханхүү Карл нь 845 жилийн түүхтэй Баварын хааны удмын үе залгамжлагч бөгөөд өмнөх хаадын эхлүүлсэн уламжлалт үйл хэрэг, бизнесийн үйл ажиллагааг үргэлжлүүлж байгаа юм.

Үүний нэгээхэн хэсэг нь хааны гэр бүлийн нэрийн алдарт шар айраг болох Kaltenberg брэндийг дэлхий дахинд таниулж, экспортын хүрээг өргөтгөх явдал билээ.

Хааны цайзын нэрээр нэрлэгдсэн Kaltenberg нь 700 жилийн түүхтэй, чанар, уламжлал, нэр хүндийг хослуулсан шар айргийн брэнд бөгөөд өнөөдөр дэлхийн олон улсад “Хааны чанарын бэлгэ тэмдэг” хэмээн үнэлэгддэг.

Айлчлалын үеэр ханхүү Карл болон гэргий нар Германы Элчин сайдтай уулзалт хийхийн зэрэгцээ Монгол дахь Kaltenberg брэндийн шинэ өнгө төрхийн албан ёсны нээлтэд оролцох юм.

Монголын хэрэглэгчдэд хэдийнээ амт, чанараараа танил болсон Kaltenberg шар айргийг “АПУ” ХК 2013 онд албан ёсны лицензтэйгээр дотооддоо үйлдвэрлэж эхэлсэн бөгөөд Монголд улаан буудайн шар айргийн төрлийг анх удаа нэвтрүүлсэн билээ.

Өдгөө хааны гэр бүлийн олон зуун жилийн уламжлал, ур ухаан, технологийн нарийн чанд стандартыг хадгалсан Kaltenberg брэнд нь Монголын хэрэглэгчдэд шинэ өнгө төрх, шинэ амт, жинхэнэ хааны шар айргийн соёл ба чанарыг мэдрүүлсээр байна.