Эверест бол Гималай ууланд 8848 метрийн өндөрт орших дэлхийн хамгийн өндөр оргил. Жил бүр мэргэжлийн олон мянган уулчид, экстрим сонирхогчид Эверестэд хөл тавихыг хүсдэг ч энэ нь тийм ч амар даваа биш. Мэдээж хангалттай бэлтгэл, тодорхой хэмжээний мэдлэг, сэтгэлзүйн тэсвэр байх хэрэгтэй.

1. Анх 1856 онд Эверестийн оргилыг 29000 фут буюу 8839 метрийн  өндөртэй гэж Энэтхэгийн судалгааны баг тэмдэглэж байсан бол Хятадын эрдэмтэд 2005 оны тавдугаар сард цас мөсөөр хучигдаагүй хамгийн өндөр чулуулаг хэсэг нь далайн түвшнээс дээш 8844,43 метр (± 21 см) гэж дүгнэжээ.
2. Уулын хамгийн өндөр цэгт энгийн үеийнхээс ердөө гурав дахин бага хүчилтөрөгч авдаг байна. Энэ нь агаарын даралт бага байдагтай холбоотой.
3. Ууланд цагт 200 км-ийн хурдтай салхи салхилж, -40 хэмийн хүйтэн байдаг ажээ.
4. 1969 оноос хойш жил бүр Эверестэд гарах явцад хамгийн цөөндөө нэг хүн амиа алддаг байв. Харин 1977 он бол хүний амь “аваагүй” цорын ганц жил юм.
5. Уулын бэлд ойролцоогоор 200 гаруй цогцос байдаг ба тэдгээрийг доош буулгаж, оршуулах боломж хомс ажээ. 2014 оны дөрөвдүгээр сарын 18-нд түүхэнд хамгийн олон буюу 16 уулчин амиа алдсан байна.