Тулгар төр байгуулагдсаны 2230, Их Монгол Улсын 815, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Монгол Улсад орчин цагийн мэргэжлийн урлагийн ууган байгууллага Улсын драмын эрдмийн театрын түүхт 90 жилийн ойг тохиолдуулан жүжигчин Ц.Баясгаланд өнөөдөр Ерөнхийлөгчийн зарлигаар Гавьяат жүжигчин цол хүртээлээ. 

Гавьяат жүжигчин Ц.Баясгалан:

"Сэтгэл маш өндөр байна. Драмын театртаа 30-аад жил ажилласан байна. Сүүлийн 10 жилд драмын жүжигчин хүний хувьд драмын урлагийн хүнд төрөл болох моно жүжгийн төрлөөр түлхүү ажилласан. Энэ хугацаанд дэлхийн 17-18 орны тайзан дээр гарч, Монгол Улсаа сурталчиллаа.

Моно жүжгийн 10-аад фестивальд гран при, нэг хоёрдугаар байрын шагнал авч байсан.Төр засаг маань нүдтэй юм байна. Гэр бүлийнхэн аав ээждээ, УДЭТ-ын уран бүтээлчид, үзэгч олондоо баярлаж байна. Миний энэ шагналыг тэнгэрийн орноос Ц.Гантөмөр багш маань,  хайртай Б.Баатар найруулагч маань хараад маш их баярлаж байгаа байх" гэлээ.