2017 оны хамгийн эхний тэмцээн хүндийг өргөлтийн насанд хүрэгчдийн УАШТ өнөөдөр Спортын төв ордны "А" зааланд 11:00 цагаас эхэлнэ. Нэгдүгээр сарын 3-4-нд болох УАШТ-д 16 багийн 152 туйванч оролцохоор урьдчилан байдлаар мэдүүлгээ өгчээ.

Энэ удаагийн тэмцээнд “Алдар” спорт хорооноос гурван баг, “Сүлд” спорт хороо, Завхан, Сүхбаатар аймгийн баг анх удаа тамирчдаа оролцуулахаар болсон байна.

Тэмцээний ерөнхий ивээн тэтгэгчээр “Монгол жонш” компани, хамтран зохион байгуулагчаар БСШУСЯ, Биеийн тамир, спортын газар, “Есүүдийн Батууд” компани ажиллаж байгаа аж.