Google for Startups & Silkway Accelerator хөтөлбөр нь Бүгд Найрамдах Казахстан Улсын нийслэл хотод байрлах Astana hub-д төв азийн шилдэг старт-ап компани, төслүүдийг шалгаруулан хамтран ажиллах боломж олгодог хөтөлбөр юм.

 Энэхүү хөтөлбөр нь бүтээгдэхүүнээ зах зээлд гаргасан ба бизнесийн өсөлтөө хийх гэж буй топ компаниудыг сонгон авч цааш нь өөрсдийн үйл ажиллагаагаа өргөжүүлэх, гадны болон шинэ зах зээлд тэлэх , бүтээгдэхүүнээ хөгжүүлэх , шаардлагатай хөрөнгө оруулалт босгох гэсэн чиглэлүүдийн хүрээнд Google компаний топ экспертүүдээс зөвөлгөө менторинг аван 3 сарын хугацаанд Astana hub дээр зохион байгуулагдах юм.

Манай улсаас 30 гаруй төсөл, компаниуд энэ жил оролцох хүсэлтээ илгээснээс Интелмаинд группийн охин компани болох Коди ХХК (Cody)шалгарсан бөгөөд Коди нь  SaaS/Software as a Service/ үйлчилгээ үзүүлэгч технологийн компани ба Монгол Улсын 120 гаруй ААН-д SaaS үйлчилгээ үзүүлж нийт манай улсын 1.4 сая иргэн кодигийн бүтээсэн платформуудыг тогтмол ашиглаж байна.

Энэхүү хөтөлбөрт шалгарснаар мөн Google Network-оор дамжуулан өөрсдийн бизнесээ хөрөнгө оруулагч болон бизнес эрхлэгчдэд танилцуулах том үүд хаалга нээгдэж буй бөгөөд хөтөлбөрийн төгсгөлд олон улсын  хөрөнгө оруулагчдад бизнесээ  танилцуулах томоохон арга хэмжээнд оролцон хөрөнгө оруулалт босгох боломжтой юм.

Ийнхүү манай монголын технологийн компаниуд олон улсад үнэлэгдэж, оюуны экспорт хийх үүд хаалга нээгдсээр байна. Мөн олон улсын шилдэг эксперт, төслүүдээс суралцаж, дэлхийн хэмжээний компаниуд болон хөгжиж эхэллээ.