Амьдрал яасан шударга биш юм бэ. Нэг хэсэг хүн бүх юмтай, харин бусад нь бараг огт юу ч үгүй. Азийн хөгжлийн банкны ивээлд явуулсан Азийн улсуудын амьжиргааны түвшингийн судалгаа нь тус тивийн олон оронд өөдрөг бодол төрүүлэхгүй байна. Харин бусдад нь, жишээ нь Брунейд хэрээс хэтэрсэн өөдрөг санаа төрүүлж байна.

Бага нутагтай ч, нефтиэр баян энэ вант улсад аж төрөх нь хамгийн сайхан. Тэнд Азийн бусад орны зүүдэнд ч оромгүй дотоодын нийт бүтээгдэхүүний тийм хувь нэг хүнд ногдож байгаа юм. Энэ нь тус тивийн 2,6 мянган долларын дундаж түвшинээс 13 дахин их байна. Баян Брунейн араас бас тийм ч ядуу биш Сингапур, Макао, Гонконг, Тайвань орж байна. Харин 23 орны жагсаалтын хамгийн сүүлд Балба оржээ. Тус орны нэг оршин суугчид Брунейгээс 40 дахин бага дотоодын нийт бүтээгдэхүүн ногдож байна.

Энэ орон Азийн хамгийн баян нь ч Гонконг үрлэгэн байдлаараа тивдээ толгой цохиж байна. Гонконгийн дараа энэ үзүүлэлтээр Тайвань, Бруней орж байгаа нь ойлгомжтой. Хаана их мөнгө авч байна, тэнд их мөнгө үрдэг нь мэдээж.

Балбаас гадна дотоодын нийт бүтээгдэхүүний ногдох хэмжээгээр ядуу орнуудын тоонд Бангладеш, Камбож, Лаос оржээ. Энэтхэг ч энд бас хамаарагдана. Дэлхийн хамгийн түргэн хөгжиж буй эдийн засагтай энэ гүрэн хүн амынхаа тоогоогоор Хятадын дараа л ордог билээ. Судалгаанаас үзвэл, нэг тэрбум гаруй хүн амтэй энэ орны нэг оршин суугчид дотоодын нийт бүтээгдэхүүний 1,5 мянган доллар ногдож байгаа нь нийт тивийн дунджаас бага юм. Дашрамд тэмдэглэхэд, энэ үзүүлэлтээр хөгжлийнхөө хурдацаар Энэтхэгээс хол хоцордог Пакистан, Шри-Ланка хоёр тус орны өмнө оржээ. Хятадын байдал илүү дээр. Энэ орны нэг хүнд дотоодын нийт бүтээгдэхүүний 2,9 мянган доллар ногдож байгаа юм.

Азийн хөгжлийн банкны ерөнхий эдийн засагч Ифзал Али судалгааны дүнгийн тухай ярихдаа, "тус тив эдийн засгийн амжилтаа тэмдэглэх хүртэл бас урт зам туулах хэрэгтэй болно" гэж тэмдэглэжээ.

Я.Сүхбаатар