Өнөөдөр аавуудын өдөр.  Монголын эрэгтэйчүүдийн холбооноос 2005 оноос эхлэн гэр бүлийн ноён нуруу, өмөг түшиг, хайрт аавыгаа энэрэн хайрлаж, хүндлэн бахархаж, тэдний нэр хүнд, үүрэг хариуцлага үнэлэмжийг дээшлүүлэх зорилгоор "Аавуудын өдөр"-ийг санаачилжээ. 

GoGo.mn аавуудын өдөрт зориулсан видео контентыг та бүхэнд хүргэж байна. Хүүхдүүд аавтайгаа өнгөрүүлсэн дурсамж, аавыгаа хэр сайн мэддэг талаараа хуваалцсан юм.

Э.Даваадоржийн охид аавыгаа гайхамшигтай сайхан амттай хоол хийдэг гэсэн бол  П.Ариунболдын охин аавыгаа маш сайхан зурдаг гэлээ. Г.Дөлгөөн нисэх сургууль төгсөхөд аав нь түүнээр хамгийн их бахархсан тухай хэлсэн бол Т.Удвал ийм сайхан аавын охин байгаадаа өөрөөрөө бахархдаг гэв. С.Эрхбаярын хүү аавыгаа мартамхай, Д.Ганболдын охин хүүхдүүдийнхээ төлөө аав маань их ажилладаг, Ц.Зоригтын хүү аавыгаа будаатай шөлөнд дуртай хэмээн хариулсан юм. 

Аав хэмээх эрхэм алдрын эзэд, гэр бүлийнхнийхээ баатар нь болсон тэд хүүхдүүдийнхээ сэтгэлд ямар орон зай эзэлдэг бол?

БИЧЛЭГ: