Цахилгааны үнийн урамшууллын гэрээнд 25 мянга 161 хэрэглэгч хамрагдсан байна. Учир нь агаарын бохирдлоос урьдчилан сэргийлэх зорилгоор бүрэн шатаагч зуух болон цахилгаанаар халааж байгаа айл өрхүүдэд дээрх урамшууллыг олгоод байгаа.

Одоогийн байдлаар хөнгөлөлтийн гэрээ хийх боломжтой нийт 50 мянга 304 хэрэглэгч байгаагаас 50 хувь нь гэрээгээ байгуулж амжжээ. Харин "УБЦТС"-д хүсэлтийг нь шийдвэрлэх боломжгүй 500 хэрэглэгч байгаа аж.

Учир нь 310 айл хэт ачаалласан дэд станцаас цахилгааны эх үүсвэртэй гэнэ. Мөн 190 айл хуульд заасан нөхцөл шалгуураа бүрэн хангаагүй юм байна.