Баянхонгор аймгийн цагдаагийн газрын шинэ барилгыг хүлээж авах нээлтийн ёслолын үйл ажиллагаа боллоо.

Шинэ байртай болсноор иргэдэд төрийн үйлчилгээг түргэн шуурхай хүргэх, алба хаагчдын ажиллах нөхцөлийг сайжруулсан үр дүнтэй ажил болсон юм.

Энэхүү үйл ажиллагаанд Монгол улсын их хурлын гишүүн Г.Занданшатар, Монгол Улсын БСШУС-ын сайд Ж.Батсуурь, Батлан хамгаалах яамны дэд сайд Н.Дуламдорж зэрэг хууль хяналтын байгууллагын удирдлагууд, ЦЕГ-ын зөвлөлийн гишүүдийн төлөөлөл, Ахмадын хорооны төлөөлөл, иргэд зочид төлөөлөгчид алба хаагчид оролцлоо.

Мөн алба хаагчдын ажиллах нөхцөл, боломжийг сайжруулах зорилгоор албан хэрэгцээнд зөөврийн компьютер, автомашин, бусад техник хэрэгсэл хүлээлгэн өгсөн байна.