Яг одоо Улаанбаатарт хэдэн градус байгааг Та мэдмээр байна уу. Ингэхийн тулд Үндэсний портал GoGo.mn –ийн Нүүр болон Мэдээ - ний хуудаснуудын Цаг агаарын мэдээний хэсгээс харж болохоор боллоо.

Зуны бөгчим, халуун өдрүүд эхэлж, иргэд цаг агаарт зохицуулан ажил, төрөл, хувцсаа  тааруулах шаардлагатай болоод байна.

Энэ үед бид хэрэглэгч Та бүхэндээ Улаанбаатар хотын цаг агаарын мэдээг таван минут тутамд шинэчлэн хүргэж байхаар боллоо.

Ингэхдээ бид тухайн өдрийн ерөнхий цаг агаарын мэдээг хүргэхээс гадна таван минут тутамд буюу яг одоо Улаанбаатарт хэдэн градус байгааг мэдээлэх юм.

Цаг агаарын мэдээг бид хэд хэдэн байрлалд байршуулсан дижитал температурын тусламжтайгаар Та бүхэнд дундажлан хүргэх болно.

Түүнчлэн дэлхийн дулаарал, цаг уурын өөрчлөлт жилээс жилд нэмэгдэж байгаа энэ үед Улаанбаатар хотын цаг агаарын мэдээг таван минут тутмын давтамжтайгаар архивлан хадгалах боломж бүрдэж байгаа юм.

Цаг агаарын дэлгэрэнгүй мэдээллийг Та энд дарж харна уу.

Үндэсний портал GoGo.mn