Миний нутаг сэдвийн хүрээнд Blue Moon арт галерей Монголын үзэсгэлэнт сайхан байгаль, газар усыг зурсан бүтээсэн бүтээлүүдээр үзэсгэлэн гаргадаг уламжлалтай.

Энэ удаад Сэлэнгэ нутгийн байгалийн сайхан, ан амьтан зэргийг дүрслэн харуулсан бүтээлүүдийг урлаг сонирхогч олондоо дэлгэн толилуулахад бэлэн болоод байна.

Уг үзэсгэлэнд СГЗ зураач, багш Ц.Нарангэрэл, барималч Р.Энхтайван , Э.Гансүх, Б.Түвшин, Оргилболд, Дамдинбаяр, Баатарцогт, Болор, Болортуяа, Төртүвшин зэрэг олон уран бүтээлчид өөрийн арга барил, техникийг харуулан зурсан бүтээлүүдээрээ оролцож байгаа юм.

Уг үзэсгэлэнгийн ач холбогдол нь байгалийн сайханг дүрслэн харуулж буй бүтээлүүдээр нийгэмтэй холбогдох, үүгээр дамжуулан үзэгчдэд байгаль эх болоод Монгол орныхоо байгалийг хайрлан хамгаалах сэтгэлийг төрүүлж цаашлаад төлөвшүүлэхэд оршино.  

Мөн энэхүү үзэсгэлэнгийн нээлтээр Монголын хамгийн сүүлийн ноён БаатарВан Наваан-Юндэнгийн Амьдрал уран зохиолын номын 2 дахь хэвлэлийн нээлт болох юм

Үзэсгэлэн арванхоёрдугаар сарын 1-12 -нийг хүртэл Blue Moon арт галерейд үргэлжилнэ.