2022-2023 оны хичээлийн шинэ жил эхлэхэд хагас сар үлдлээ. Энэ хичээлийн жилд сурагчийн дүрэмт хувцас өнгөрсөн онтой харьцуулахад багц үнээрээ 10-60 мянган төгрөгөөр нэмэгджээ.

Тодруулбал, өнгөрсөн онд "Дүнжингарав" худалдааны төвд бага ангийн эмэгтэй сурагчдын дүрэмт хувцас 88 мянга байсан бол энэ жил дотоодын үйлдвэрийнх зарим нь 115 мянган төгрөг буюу 20 гаруй мянган төгрөгөөр нэмэгдсэн байна. Харин бага ангийн эрэгтэй дүрэмт хувцас 117 мянга байсан бол 165 мянган төгрөгийн үнэтэй болсон байна. 

Дунд ангийн сурагчдын дүрэмт хувцасны үнэ мөн л 20-40 мянган төгрөгөөр, ахлах ангийнх 50-60 орчим мянган төгрөгөөр нэмэгджээ.

Дотоодын үйлдвэрлэгчдээс “Өүлэн Менч” , “Бүтээлч Үйлс”, “Шүтэн Уул”  зэрэг компаниудын дүрэмт хувцасны үнийг судлав.