Formula 1-ийн 72 дахь улирлын арав дахь гараа буюу Их Британийн Гран-При тэмцээн Английн Силверстөүн хотхоны ойролцоо байрлах "Silverstone Circuit" зам дээр боллоо. 5.891 км урт, 52 тойрогтой замд "Ferrari" багийн Карлос Сайнз түрүүлж улирлын анхны бүтэн оноогоо авав.

Уралдаан хэн бүхний таамагласнаас өөрөөр эхэлж дөнгөж эхний тойрогт "Alfa Romeo" багийн Жөү Гуан Ю, "Mercedes" багийн Жорж Рассел болон "Williams" багийн Алекс Альбон нар осолдсон. Осол сүүлийн гараануудад байгаагүйгээр ноцтой байсан бөгөөд гурван нисгэгч тэр даруй тэмцээнээ дуусгав. /Тойм бичлэг үзэх/

Их Британийн гарааны үр дүн:

1. Карлос Сайнз (Ferrari) - 25 оноо
2. Серхио Перез (Red Bull) - 18 оноо
3. Льюис Хэмилтон (Mercedes) - 16 оноо
4. Чарльз Леклер (Ferrari) - 12 оноо
5. Фернандо Алонзо (Alpine) - 10 оноо
6. Ландо Норрис (McLaren) - 8 оноо
7. Макс Ферстаппэн (Red Bull) - 6 оноо
8. Мик Шумахер (Haas) - 4 оноо
9. Себастиан Веттел (Aston Martin) - 2 оноо
10. Кевин Магнуссен (Haas) - 1 оноо

Уралдааныг тэргүүлж эхэлсэн "Red Bull" багийн Макс Ферстаппэний машинд гэмтэл гарч тэргүүллээ алдсан ч багийн хамтрагч Сержио Перез дэд байраа хадгалж үлдсэн.

Барианд орохын өмнөхөн гуравдугаар байрын төлөө ширүүн тэмцэл өрнөж Mercedes багийн Льюис Хэмилтон залуу нисгэгч Чарльз Леклерийг ардаа орхилоо.

Их Британийн гараанд нийт зургаан нисгэгч барианд орж чадалгүй тэмцээнээ дуусгасан бол "Haas" багийн залуу тамирчин, алдар Михаилын хүү Мик Шумахер улирлын анхны оноогоо авсан байна.